Matarlitur

1970 - 1980

Varðveitt hjá

Glerflaska með grænum matarlit frá Val í. Flaskan, sem er með hvítum plasttappa, er upprunalega undan skosku Ballantine's whisky, en á framhliðinni er límmiði í grænum, gulum, svörtum og hvítum lit þar sem á stendur: Matarlitur Grænn VALUR. Flaskan er u.þ.b. hálffull af matarlit. Fyrirtækið er einna þekktast fyrir framleiðslu á tómatsósu. Flaskan er heil og í mjög góðu ástandi. Gripirnir nr. Þjms. 2010-32 eru allir úr búi Jóhanns Hákonarsonar bifreiðastjóra (f. 1919, d. 1980) og Ragnhildar Sigurðardóttur húsmóður (f. 1921, d. 2008) sem bjuggu í Eskihlíð 13 í Reykjavík. Það var dóttir þeirra, Grímheiður Freyja Jóhannsdóttir, og bræður hennar sem afhentu gripina til safnsins, úr dánarbúi foreldra sinna. Freyja Hlíðkvist Ómarsdóttir og Lilja Árnadóttir, starfsmenn í munasafni Þjóðminjasafnsins, sóttu gripina á heimili þeirra Jóhanns og Ragnhildar í Eskihlíð 13. Einnig voru nokkrar ljósmyndir úr dánarbúi þeirra sem skráðar voru í Ljósmyndasafn Íslands.