Vasabók

1938

Varðveitt hjá

Lítil minningabók úr eigu móður gefanda, Ragnhildar Sigurðardóttur (f. 1921). Hún var við nám í Kvennaskólanum í Reykjavík árin 1935-1938 og í bókina hafa samnemendur hennar skrifað til hennar stuttar kveðjur og skilaboð við námslokin 1938. Sumar hafa einungis skrifað nöfn sín og heimilisföng, aðrar stuttar kveðjur eða ljóð. Þetta er lítil vasabók í svartri kápu. Á kápuna er þrykkt með gylltum stöfum: Notes. Fremst í bókina er skrifað: Námsmeyjar í Kvennaskólanum Reykjavík. Ragnhildur hefur ennfremur merkt sér bókina: Ragna Sigurðardóttir, Hverfisgötu 71. Þær sem hafa skrifað til hennar kveðjur í bókina eru: Elísabet Linnet, Tindastól Vestmannaeyjum. Hlíf Sigurjónsdóttir, Brautarholti Vestmannaeyjum. Anna Teitsdóttir, Garðastræti 21 Reykjavík. Anna Sigurðardóttir, Ránargötu 19 Reykjavík. Ólafía Sigurðardóttir, Lindargötu 18 Reykjavík. Hulda S. Helgadóttir, Kirkjubrú Álftanesi. Inga Ingólfsdóttir, Odda Seltjarnarnesi. Guðrún Bergsdóttir, Bergstaðastræti 57 Reykjavík. Hlíf Jónsdóttir, Búðardal. Kiddý Kristjánsdóttir, Flateyri Önundarfirði. Kristín Jónsdóttir, Flateyri Önundarfirði. Herdís Símonardóttir, Laugavegi 33 Reykjavík. Þórunn Kristinsdóttir, Ánanaustum C. Ruth Einarsdóttir, Stykkishólmi. Fríða Sigurjónsdóttir, Laugabrekku. Helga Jónsdóttir, Hvítanesi Kjós. Guðrún Þorgeirsdóttir, Lokastíg 24a Reykjavík. Sigurlaug Jónsdóttir, Urðarstíg 15 Reykjavík. Þóra Aradóttir, frá Þórshöfn. Fjóla Steindórsdóttir, Vesturhlíð Öldugötu 14 Reykjavík. Svava Magnúsdóttir, Grettisgötu 29 Reykjavík. Stella Bjarnason, Freyjugötu 16 Reykjavík. Fríða Hannesdóttir, Kollafirði. Elínborg Thorarensen, Ljósvallagötu 10 Reykjavík. Halla Bergs, Skólavörðustíg 30 Reykjavík. Gripirnir nr. Þjms. 2010-32 eru allir úr búi Jóhanns Hákonarsonar bifreiðastjóra (f. 1919, d. 1980) og Ragnhildar Sigurðardóttur húsmóður (f. 1921, d. 2008) sem bjuggu í Eskihlíð 13 í Reykjavík. Það var dóttir þeirra, Grímheiður Freyja Jóhannsdóttir, og bræður hennar sem afhentu gripina til safnsins, úr dánarbúi foreldra sinna. Freyja Hlíðkvist Ómarsdóttir og Lilja Árnadóttir, starfsmenn í munasafni Þjóðminjasafnsins, sóttu gripina á heimili þeirra Jóhanns og Ragnhildar í Eskihlíð 13. Einnig voru nokkrar ljósmyndir úr dánarbúi þeirra sem skráðar voru í Ljósmyndasafn Íslands.