Seilarnál
1858
Varðveitt hjá
Þjóðminjasafn Íslands
Seilarnál úr hvalbeini, brúnleit.
Lengd 31.6 sm, br. 2-2.9 sm. Nálin er flöt öðrum megin, en kúpt hinum megin,
augað 1.8 sm á lengd, endinn talsvert skemmdur. Á flötu hliðina er rist
ártalið XVIIIVXVIII, þ.e. 1858. Yfirborðið er slétt. Úr eigu föður gefanda.
Sbr. Þjms. 14781, o.fl., o.fl.
Aðrar upplýsingar
Gefandi: Brynjólfur Brynjólfsson
Ártal
1858
Efni
Safnnúmer
Safnnúmer A: 14854
Safnnúmer B: 1951-95
Stærð
31.6 x 3.1 cm
Lengd: 31.6 Breidd: 3.1 cm
Staður
Staður: Engey, Reykjavíkurborg
Sýningartexti
Seilarnál úr hvalbeini. Seilin
var grannur kaðall eða færi með plötu á enda, seilarhnappi. Seilin
var höfð á opnum skipum og fiskur seilaður ef skipið var mjög hlaðið,
nálinni þá stungið gegn um kjaft og auga, fiskurinn settur fyrir borð og
dreginn á eftir skipinu. Eins var ef létta þurfti skipið er tekið var land
í vondum sjó. Síðan var seilin með fiskinum dregin að landi. Mun
úr Engey, með ártali 1858.
14854
Seilarnál úr hvalbeini. Seilin
var grannur kaðall og á hana dreginn upp fiskur, settur útbyrðis og hafður
í togi á opnum fiskiskipum, ef skipið var mjög hlaðið, eða ef létta þurfti
skipið er taka þurfti land í vondum sjó. Seilin með fiskinum var síðan
dregin að landi. Frá 1858.
Spjaldtexti:
Seilarnálar (c)
úr hvalbeini, sem ólina vantar á. Fiskur var þræddur upp á ólina, seilaður,
og settur útbyrðis ef afli var mikill eða þurfti að taka land í vondum
sjó.
Whalebone needles
(c), lacking the leather strap onto which fish were threaded and suspended
over the side of the boat, if the catch was large or the vessel had to
be beached in rough seas.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Seilarnál