Kaffikvörn
Varðveitt hjá
Þjóðminjasafn Íslands
Kaffikvörn með venjulegu
lagi. Kassinn er úr hnotviði, ferhyrndur, blökk og botn með útstæðum brúnum.
Er kassinn festur saman með geirneglingu og venjulegum smánöglum. Hann
er 14.5 sm á hæð, hliðar bolsins eru 15.4 sm á lengd, hliðar blakkar og
botns 17.9 sm. Skúffan er 5.5 sm á h., nema afturhliðin, sem er 4.7 sm.
Umhverfis trektina er kragi, festur við yfirborðið með sex litlum skrúfum,
og er hvorttveggja úr látúni. Trektin er 7.4 sm á hæð, opið 12.4 sm í þvermál.
Á henni eru tvenn samskeyti, með þremur nöglum hvor. Öxullinn (karlinn)
er úr stáli, sívalur, og leikur í tvíarma stellingu. Öxulhausinn er tenntur
og á móts við hann eru úthverfar tennur á stellingunni. Sveifin, sem er
úr járni, er ofurlítið sveigð. Hún er 20 sm á l., ef mælt er beint, með
koparhnúð yfir samskeytunum og koparhandfangi á enda. Kvörn þessi er öll
hin vandaðasta, má kallast óskemmd, en brestur er þvert yfir blökkina.
Hún er smíðuð af Einari Einarssyni, Reykjavík, fyrir Gísla Guðmundsson
gerlafræðing. Sbr. Landbúnaðarsafn.
Aðrar upplýsingar
Efni
Safnnúmer
Safnnúmer A: 14934
Safnnúmer B: 1951-179
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kaffikvörn