Hyrna
1950
Varðveitt hjá
Þjóðminjasafn Íslands
Útprjónuð hyrna úr
tvinnuðu ullarbandi. Aðallitur er hvítur en a.m.k. 15 aðrir koma fyrir
í bekknum sem er neðst á hyrnunni þ.e.grænir, rauðir, gulbrúnir, gulir
og margir þar á milli. Bandið er heimalitað úr íslenskum jurtalitum. Heklaður
mjór kantur er við efri brún hyrnunnar. Höfuðklútur eða sjal.
Þórdís Egilsdóttir
var vel þekkt um miðja þessa öld fyrir vinnu sína og listaverk unnin úr
jurtalituðu bandi og saumaði hún m.a. mynd af baðstofulífi. Hyrnuna keypti
gefandi fyrir fimm árum af Margréti Sigurðardóttur sem nú býr á Héraðshælinu
á Blönduósi en þær Margrét og Þórdís voru miklar vinkonur. Þórdís og fóstri
Margrétar voru systkinabörn. Þórdís var lengi búsett á Ísafirði og eitt
sinn kom hún suður til Reykjavíkur til að selja hyrnur, bjó hún þá hjá
Margréti og gaf henni þá þessa hyrnu. Þetta mun hafa verið um 1950
Aðrar upplýsingar
Þórdís Egilsdóttir, Hlutinn gerði
Ártal
1950
Safnnúmer
Safnnúmer B: 1978-136
Staður
Staður: Kjóastaðir, 801-Selfossi, Bláskógabyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Hyrna
Upprunastaður
64°18'42.0"N 20°13'16.2"W