Til baka í leit
Veistu meira?

Kjóll

1970 - 1975
Varðveitt hjá
Þjóðminjasafn Íslands
Kjóll úr handofnu, íslensku ullarefni frá Vefstofu Guðrúnar Vigfúsdóttur á Ísafirði. Kjóllinn er síður og ermalaus. Hann er í grunninn úr ljósu eingirni en inn í hann er ofið mynstur (rendur) úr svörtu, ljósbrúnu og mórauðu ullargarni. Hálsmálið er V-laga og neðst á því er blóm úr sama efni. Kjóllinn er renndur í bakið. Kjólinn átti Sigríður Guðmundsdóttir, f. 20. sept. 1927, látin 9. ágúst 2002. Hann var seldur í versluninni Íslenskur heimilisiðnaður. Kjóllinn er frá því í kringum 1970-1975. Um Guðrúnu J. Vigfúsdóttur: Guðrún Jóhanna Vigfúsdóttir var fædd að Grund í Þorvaldsdal á Árskógsströnd árið 1921. Hún stofnaði og rak vefstofu á Ísafirði til fjölda ára. Fyrirtækið var formlega stofnað árið 1962 og hlaut nafnið Vefstofa Guðrúnar Vigfúsdóttur hf. Hún var með starfsfólk í vinnu en hannaði sjálf flest allt sem framleitt var. Á vefstofunni var framleiddur ýmis varningur, mest úr íslenskri ull. Reikna má með að ofnu ullarkjólarnir hafi borið hróður vefstofunnar hæst. Kjólarnir voru ofnir úr eingirni, oftast víðir og efnismiklir en þó fisléttir og fengust í ýmsum litum. Þeir þóttu klæðilegur flestum og þóttu sannkallaðir spari- og samkvæmiskjólar. Þessir kjólar flugu út og voru mjög vinsælir á árunum í kringum 1970-1975. Á 8. áratugnum var Guðrúnu veittur riddarakross hinnar íslensku fálkaorðu fyrir störf í þágu íslensks ullariðnaðar. Guðrún hætti rekstri vefstofunnar árið 1988. Þá flutti hún í Kópavog og kom upp vefstofu í bílskúrnum við hús sitt og þar hefur hún ofið m.a. marga hökla og aðra kirkjutextíla. Hún hafði reyndar ofið nokkra hökla þegar hún var enn á Ísafirði. Gefandi er Anna Guðmundsdóttir, Reynimel 36, 107 Reykjavík, fyrrum kennari við húsmæðraskólann Laugalandi (sjá nánar um hana í möppu: Fylgiskjöl Aðfangabókar). Hún er gefandi allra gripanna nr. Þjms. 2004-1, flestir komu þeir til safnsins 9. janúar 2004 en einhverjir þeirra bárust hingað 14. janúar.

Aðrar upplýsingar

Ártal
1970 - 1975
Efni
Safnnúmer
Safnnúmer B: 2004-1-1
Stærð
138 x 0 x 0 cm Lengd: 138 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kjóll
Heimildir
Hugur og hönd, 1995, bls. 20-24. Hugur og hönd, 1998-1999, bls. 33. Guðrún J. Vigfúsdóttir: Við vefstólinn. Starfsvettvangur Guðrúnar J. Vigfúsdóttur í hálfa öld. Lifandi vefnaðarlist í máli og myndum. Reykjavík, 1998.