Innsigli, óþ. hlutv. + hlutv.

Varðveitt hjá

Sjá viðbótarupplýsingar með 1952:145: Lítil, kringlótt pappaaskja með innsigli Björns Jórsalafara í rauðu lakki. Askjan er 5.6 sm í þvm, 0.8 sm á hæð, úr hvítum pappa, en með álímdum pappír að utan. Það er grænn pappír, hvítur og loks marglitur rósapappír. Lakkmyndin er á næfurþunnri plötu úr rauðu lakki, sem límd er á botn öskjunnar. Platan er ílangur átthyrningur að lögun, 3.2 sm á lengd, 2.9 sm á breidd. Í miðju er afmarkaður nokkurn veginn ferhyrningslaga reitur með upphleyptum ramma, hornin öll ávöl. Reiturinn, sem rammi þessi afmarkar, er 2.3 sm á lengd, 2 sm á br., þá mælt með ramma. Í honum miðjum er upphleypt mynd af bjarndýri, næsta furðulegu. Það hefur skúfhjálm á höfði og rís á afturfótum. Stendur á priki eða palli. Yfir myndinni stendur með stórstafa prentletri: Dansar ok bítr. Myndin er brúnrauð og eins stafirnir. Dökkur blær á rammanum. Utan á öskjubotninn, á álímda miðann, sem þekur hann, er skrifað með fínlegri hendi: Gefið mjer hefur / síra Einar Friðgeirsson / í Borg til minningar / um frænda minn / Grím Thomsen, er / hafði átt þetta. / Jón J. Laxdal. Eitthvað krot er auk þess neðan við áletrunina. Rósapappírinn, sem þekur efra borð loksins og hliðarnar, hefur rifnað, og vantar hann á mitt lokið. Að öðru leyti er askjan sæmilega með farin.

Aðrar upplýsingar

Gefandi: Guðrún Jónsdóttir Laxdal Figved

Efni

Óflokkað (í vinnslu), Málning/Litur, Lakk

Safnnúmer

Safnnúmer A: 15266-2 Safnnúmer B: 1952-145

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Innsigli, óþ. hlutv. + hlutv.