Tóbaksdós
1930 - 1950
Varðveitt hjá
Þjóðminjasafn Íslands
Blikkdós, full af tóbaki. Þetta
eru upprunalegu umbúðirnar utan um tóbakið og þær eru óopnaðar. Eilítið
ryð er á dósinni. Um hana miðja er límdur prentaður miði úr ljósum pappír.
Á honum stendur:
FRIBOURG & TREYER,
125 years in family of W. Bevans.
Tobacconists and Purveyors of
foreign Snuff
TO THEIR MAJESTIES
The Kings of Hanover and Belgium,
Their Royal Highnesses
THE DUKES OF SUSSEX, CAMBRIDGE
& DUCHESS OF KENT.
No. 34. Upper End of the Haymarket,
S.W.1.
3, Leadenhall St. E.C.3.
130 High St. Oxford V 20, King's
Parade, Cambridge.
2. mars 2007 sendi gefandi, Anton
Holt, eftirfarandi upplýsingar um tóbaksdósina:
„Dósin er ættuð frá pabba (Brian
D. Holt 1921-2000) hann flutti inn sitt eigið tóbak á þeim árum sem hann
var ræðismaður Breta á Íslandi. Var alla tíð mikill reykingamaður (því
miður fór úr lungnakrabba!). Það voru nokkur fyrirtæki í London sem sérhæfðu
sig í að senda allt milli himins og jarðar til kúnna um allan heim - hluti
af heimsvaldastefnunni - þessi dós er eldri en ég eða mitt minni, hún var
til þegar ég man fyrst þannig að hún er frá um eða fyrir 1950. Pabbi átti
það líka til að kaupa af öðrum starfsmönnum vín og tóbak þegar þeir voru
á förum héðan, þannig að þessi dós gæti líka verið aðeins eldri. Ég man
eftir því að hann opnaði systkini þessarrar dósar og reykti og það var
í góðu lagi þótt það væri þá áratuga gamalt. Fyrirtækið F & T við Haymarket
var mjög þekkt og virt fyrirtæki sem seldi bæði reyk og neftóbak um allan
heim. Þeir blönduðu allar gerðir tóbaks eftir pöntun og sum sem urðu vinsæl
voru markaðssett undir nafni. Ásgeir forseti lét þá blanda fyrir sig neftóbak
sem hét "president" og man ég eftir bauk með handskrifuðu nafni
á, sem pabbi átti.“
Ólafur Ingi Jónsson, forvörður,
afhenti dósina frá Antoni Holt.
Aðrar upplýsingar
Gefandi: Anton Holt
Ártal
1930 - 1950
Efni
Safnnúmer
Safnnúmer B: 2004-3
Stærð
11.5 x 7.3 x 0 cm
Lengd: 11.5 Breidd: 7.3 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Tóbaksdós