Kjóll

1950 - 1970

Varðveitt hjá

Langerma kjóll úr röndóttu silki, fjólurauður, brúnn, dökkblár og hvítur. Kjóllinn er með áhnepptum háum kraga, og hann er hnepptur á ská að framanverðu frá hálsmáli niður að mitti vinstra megin. Hann er með belti í mittið og axlapúðum. Vörumerkið er LUTZ TEUTLOFF / REINE SEIDE. Á kjólnum eru tveir vasar og í þeim hægri var vasaklútur nr. 2007-16-21. Allir gripirnir nr. 2007-16 eru úr dánarbúi Guðrúnar Laufeyjar Jónsdóttur, sem einnig var kölluð Blaka Jónsdóttir og bjó á Hagamel 15 í Reykjavík. Hún lést árið 2004. Milligöngumenn um gjöfina eru synir bróður Blöku, Halldórs Jónssonar. Garðar Halldórsson bauð Lilju Árnadóttur, fagstjóra munasafns, og Margréti Gísladóttur, textílforverði, í samráði við Jón bróður sinn, að koma og fara í gegnum klæðaskáp Guðrúnar. Í samstilltu átaki þeirra stalla voru þessir gripir (2007-16-1 o.áfr.) valdir.