Innsigli, óþ. hlutv. + hlutv.

1475 - 1525

Varðveitt hjá

Innsigli úr kopar, kringlótt, 2,6 cm. að þverm., kúlumynduð og jafnframt mjög að sjer dregið, með toppi efst og gati í gegnum: h. 2,2 cm. Á signetsfletinum miðjum er rúnin hagall: * ,og broddur í öllum hornum (6), en hringur er umhverfis og annar yzt við röndina, í milli er letrað með upphafsstöfum (majúsktum), mestmegnis: SIG: HAFLIDH: SKVLORIS, þ. e. Innsigli Hafliða Skúlasonar. Hafliði Skúlason mun vera sá hinn sami er ýmis brjef eru eptir frá síðasta fjórðungi 15. aldar og fyrsta fjórðungi 16.aldar. Hann hefur verið þá á Barðaströndinni og líklega verið sonur Skúla Loptsonar ríka, Guttormssonar. Ef til vill má ganga úr skugga um þetta með því að bera saman signet þetta við innsigli Hafliða Skúlasonar á skinnbrjefinu AM.fasc. XXI. 20.) Það fannst í gamalli brunarúst hjá Hrísnesi á Barðaströnd.(S.V.).