Vínstaup
1807
Varðveitt hjá
Þjóðminjasafn Íslands
Úr aðfangabók:
Vínstaup úr silfri, kringlótt, gylt alt að innan og að utan um barmana, með 3 kúlufótum (þverm. 1,3 cm.) undir, og steyptum eyrum kveiktum á beggja vegna. Þverm. neðst 3,8 cm., uppi undir börmum 4,7 cm., um barmana, sem flá dálítið, 5,2 cm., hæð sjálfs staupsins (auk fótanna) 4,4 cm. (dýptin 4,3 cm). Beggja vegna eru grafnar greinar og eru annars vegar á milli þeirra upphafsstafir fyrv. eiganda, Péturs Péturssonar (PPS) á Hríshóli í Reykhólasveit, langafa Gests Pálssonar skálds og seljandans (Péturs Péturssonar á Þingeyri við Dýrafjörð): en hins vegar eru upphafsstafir konu Péturs þessa á Hríshóli, KPD. Neðan á botninn er tvísettur stimpill smiðsins, mög ógreinilegur (SF?), og ártalið 1807. Staupið er án efa íslenzkt og allvel smíðað. Þyngd 44 gr.
Silfur í Þjóðminjasafni:
Staupið er smíðað af Helga Þórðarsyni (1761-1828).
(Sigrún Blöndal, 24.11.2010)
Aðrar upplýsingar
Ártal
1807
Efni
Safnnúmer
Safnnúmer A: 6516
Safnnúmer B: 1913-92
Stærð
4.4 x 5.2 cm
Lengd: 4.4 Breidd: 5.2 cm
Staður
Staður: Hríshóll 1, 380-Reykhólahreppi, Reykhólahreppur
Sýningartexti
Vínstaup, íslenskt, eftir óþekktan smið en með ártalsstimpli 1807, á kúlufótum og með steyptum eyrum beggja vegna. Á askinn eru grafin fangamörk, PPS og KPD, Péturs Péturssonar á Hríshóli í Reykhólasveit og konu hans. Þau voru langafi og langamma Gests Pálssonar skálds.
6516
Vínstaup, íslenskt, frá 1807, á kúlufótum og með steyptum eyrum beggja vegna. Á askinn eru grafin fangamörk hjóna, PPS og KPD.
6516
Aðfangategund
Undirskrár
Undirskrá: Munasafn
Efnisorð / Heiti
Efnisorð: Vínstaup
Heimildir
Þór Magnússon. Silfur í Þjóðminjsafni. Reykjavík, 1996: 49.
Upprunastaður
65°32'18.2"N 22°3'50.3"W