Koffur
Varðveitt hjá
Þjóðminjasafn Íslands
Lengja af koparstokkum, 5 þumlunga laung. Stokkarnir eru festir saman með völtum, og allir grafnir með rósum og höfðaletri, sem er orði lítt læsilegt. Þeir eru 1/3 þumlungs á breidd. Lengja þessi fannst milli Alviðru og Gerðhamra í Dýrafirði í gamalli rúst, er stekkur var gjör uppúr, og var þá um 18 þumlunga laung, fylgdi henni lítill silfurknappur með gröfnum rósum, sem eg ætla að sé í anda fimtándu aldar. Óvíst er til hvers þetta hefir verið haft, en eigi er ólíklegt, að það sé leifar af höfuðbandi (koffri)*, þótt úr kopar sé, því að kvenskraut úr kopar var áður títt meðal fátæklinga. Væri þá sennilegt, að bandið hafi verið kneppt saman með silfurknappi þeim, er fannst þar hjá 1).
*Gæti einnig verið hluti af belti, þó stokkarnir séu óvenju mjóir ef svo sé.
1) þessum grip ( nr. 170 ) er lýst í Þjóðólfi XVII, nr. 12 ö 13, bls. 51 (með skakkri tölu: 180).
Aðrar upplýsingar
Gefandi: Jón E. Jónsson
Efni
Safnnúmer
Safnnúmer A: 170
Safnnúmer B: 1864-128
Stærð
15.8 x 1.07 x 0.24 cm
Lengd: 15.8 Breidd: 1.07 Hæð: 0.24 cm
Staður
Staður: Alviðra 1-2-4, Ísafjarðarbær
Aðfangategund
Undirskrár
Undirskrá: Munasafn
Efnisorð / Heiti
Efnisorð: Koffur
Upprunastaður
65°55'49.1"N 23°36'9.9"W