Líkkistuskjöldur

1819

Varðveitt hjá

Líkkistuskjöldur af kistu Páls Jónssonar klausturhaldara, úr silfri. Vafalaust eftir Þorgrím Tómasson, sbr. skildina Þjms. 5602 og 6254 sem eru víst eftir hann (en ekki eftir Jón Jónsson á Elliðavatni, silfursmið, sem átti ekkju Páls eins og ætlað var í fyrstu). Skjöldurinn var á útsagaðri fjöl sem fylgir að mestu og virtist Jónasi sem skjöldurinn hefði verið lagður í kistuna, ofan á brjóst líksins, en ekki settur á kistulokið. Skildinum fylgja tveri silfurnaglar. - Sjá um skjöldinn í Árbókum Espólíns. Eftirfarandi áletrun er grafin á skjöldinn: haf í minni Jesum Kristum hvör aptur er upprisinn frá daudum og nem þú stadar, dygdelskandi madur, vid þessar moldir. og adgiæt ad hér bídur, í trú öruggur, upprisu Réttlátra Paúll Johnsson fæddur þann 29da Marte 1737, Hospítalshaldari í 19, Klausturhaldari Kirkiubæar Klausturs Vid 30 ár og tvisvar um tíma, settur Sÿslumadur í Gullbríngu og Kiósar Sysslumm, fyrst giptur Árid 1761 Valgérdi Þorgeirsdóttir sem fra honum deidi Árid 1793, en aptur 1794 Ragnheidi Gudmundsdóttir nú eptir þrejandi; hann deidi á Ellidavatni þann 8da Febrúar 1819 og var þá 20 Afkomenda ástríkur fadir, Afi, og Lángafi, Verid hraustir og hugdiárfir þér allir sem vonid á Drottinn og vakid fyrir því þér vitid ecki, á hvada Stundu ydar herra mun koma. Hiartkiærum födur hriggur setti Páll Pálsson