Fjöl, útskorin
1699
Varðveitt hjá
Þjóðminjasafn Íslands
Úr aðfangabók:
Þverfjöl af efri hluta af framhlið á skáp, öll haglega útskorin með hríngrósum og blómum, til beggja hliða eru hlaupandi hirtir, en í miðjunni að ofan er engils mynd með I.H.S. fyrir neðan, innan í blómhríng.
Úr Mynd á þili: (Texti Þóru Kristjánsdóttur)
„Merkilegir útskornir gripir hafa varðveist frá Laufási í Eyjafirði, með skýrum barokkeinkennum, eignaðir Þórarni Einarssyni. Ellen Marie Mageröy hefur fjallað um þessa gripi og fleiri með svipuðum höfundareinkennum og telur Þórarin hljóta að hafa lært til verka, annaðhvort í útlöndum eða hjá góðum lærimeistara heima á Íslandi.“
Fjöl þessi (Þjms. 783) hefur trúlega verði skáphurð upphaflega. Hún er skreytt með mynd af innreið Krists í Jerúsalem á pálmasunnudag. „Laufskurður umlykur Krist þar sem hann situr á asnanum og fyrir framan Krist eru menn sem leggja klæði og pálmagreinar á jörðina. Efst er latínuletur: „THORARIN EINARSON“. Þar fyrir neðan er stjarna með krossi í miðju og ártalinu 1699. Öll er fjölin fyllt með blómum og blöðum þar sem rúm er fyrir slíkt og neðst er samandregið T og E með hjarta og akkeri og tvö skepnuhöfuð neðst.“ Fjölin (skáphurðin) hefur oft verið máluð og ekki hægt að greina upprunalegu litina án þess að gera frekari rannsóknir.
Sjá enn frekar um verk Þórarins Einarsson í Mynd á þili, bls. 84 - 89.7
(Sett inn af Sigrúnu Blöndal, 7.10.2010)
Aðrar upplýsingar
Ártal
1699
Safnnúmer
Safnnúmer A: 783-a
Safnnúmer B: 1870-32
Sýningartexti
Fjöl ofan af skáp og önnur hurðin, í útskurðinum sést Kristur ríða inn í Jerúsalem á pálmasunnudag. Á hurðina er skorið nafn og fangamark Þórarins Einarssonar og ártal 1699. Hann var bóndi á Arnarstöðum í Núpasveit og nafnkenndur listamaður á útskurð. Við hann og föður hans, séra Einar Nikulásson á Skinnastað, loddi galdraorð og fengu þeir viðurnefni af því, " Einar galdrameistari" og "Galdra-Þórarinn".
783a-b
Fjöl af skáp og hurð frá 1699. Á hurðinni sést Jesús ríða inn í Jerúsalem á pálmasunnudag. Skorið af nafnkenndum bónda nyrðra sem kenndur var við galdra ("Galdra-Þórarinn"). :
Aðfangategund
Undirskrár
Undirskrá: Munasafn
Efnisorð / Heiti
Efnisorð: Fjöl, útskorin
Heimildir
Þóra Kristjánsdóttir. Mynd á þili. Reykjavík, 2005: 84 - 89.