Flosvefur
Varðveitt hjá
Þjóðminjasafn Íslands
Flosvefur. Partar þeir af flosstólnum, sem eru nefndir hér að framan (sjá nr.
991), voru sameinaðir, og bætt við nýju það sem vantaði, og gjörður úr
flosstóll, eptir fyrirsögn frú Kristínar: hún hefir og búið til flosvefinn, og
fest hann upp í vefstólinn, og ofið af flosborðunum rúma 8 þuml., en 4 1/4
þuml. er hann á breidd og ofinn með mörgum litum, sem er mjög vel gjört.
Flosstóllinn er 20 þuml. á lengd, en 17 1/2 á breidd: 17 þuml. á hæð í annan
endann, en lægri í hinn: 2 rifir eru, sem vefurinn er spentur á milli, sem
liggur lárétt: 1 skilfjöl er, og 1 skeið eða þess konar. Af flosstól þessum
geta menn séð, hvernig farið var að flosa, enda lært það. Óskandi væri, að sú
list, að flosa, legðist ekki niður, og að konur færu að tíðka það aptur: það er
einhver sá fallegasti vefnaður, og mjög endingargóður, Það færi t.d. vel, að
hafa flosborða í kring á möttlum að utan, í staðinn fyrir að verið er að panta
til þess útlend skinn, sem ekki á við þar, og aldrei hefir þannig verið haft,
og hvergi er þess getið í sögunum. Á möttlum eða skikkjum var „hlað“ úr
ýmsu efni, en að innan voru þær fóðraðar með loðnu skinni fínu. Hér á safninu
eru til flosborðar, sem líta snildarlega vel út, bæði grunnurinn og blómin, eða
flosið: þeir líta út sem nýir, en eru þó 200 ára, sumir.
Aðrar upplýsingar
Gefandi: Kristín Briem Eggertsdóttir Claessen
Safnnúmer
Safnnúmer A: 1031
Safnnúmer B: 1875-12
Aðfangategund
Undirskrár
Undirskrá: Munasafn