Bikar, sem virðingartákn

1707

Varðveitt hjá

„Silfurbikar“ sem átt hefir Jón biskup Vídalín, vegr 3 lóð og 1 kv., hann líkist mjög þeim vanalega þeirra tíðar, er beinn upp með þremur kúlufótum undir, og undir hvern fót er kveikt hálfkúla sem snyr niðr, til að standa á, þannig hefi eg ekki séð áðr: bikarinn er í stærra lagi, vel gerðr, barminn sjálfgerðr, og slá þannig einungis þeir er vel kunnu, hann hefir verið gyltr innan, en er orðið mjög slitið. Utan á bikarnum stendr dregið saman á víxl: J.T. W. vel grafið, drættirnir sem eru yztir, eru einungis sem umgjörð um nafndráttinn, en sem Magnús sagði mér að einungis einn maðr hefði getað lesið áðr. (það var þó ekki torvelt.) en þess utan sagði Magnús mér, að hann vissi að Jón Vídalín hefði átt hann: (gat hann og vel vitað það, því hann dó fjörgamall.) beiddi eg Magnús að selja mér bikarinn, en þess var ekki kostr, tilnefndi eg að síðustu alt að 50 kr. rétt að gamni mínu, því slíkt vildi eg þó ekki gefa, en það fór sömu leið. Loksins gaf Magnús safninu bikar þennan eptir sinn dag, sem gjafabréf hans vottar, dagsett 5 marts 1889: sem Sigurður Ólafsson syslumaðr í Skaptafellssyslu sendi mér, og að Magnúsi látnum, sendi hann mér bikarinn.