Til baka í leit
Veistu meira?

Sniðill

Varðveitt hjá
Þjóðminjasafn Íslands
Í bréfi til þjóðminjavarðar, dags. 5. janúar 1950, segir svo: Ég sendi með línum þessum riss af áhaldi, sem fannst hér í fyrrasumar. Mér sýnist áhaldið muni hafa verið notað til þess að höggva með því, og þætti ekki ólíklegt að það hefði verið haft til að kurla við til kolagerðar, annars kannast enginn hér við það. Mér þótti því rétt að senda yður riss af því, svo að þér gætuð ákveðið, hvort það væri nokkurs virði, og hvort þér vilduð fá það. Það er búið að liggja lengi í jörðu og er orðið mjög ryðbrunnið, enda handfangið alveg horfið, sem hefur verið úr tré en járnhólkur var um falinn, sem hefur auðsjáanlega verið um endann á handfanginu. Rissið er af fullri stærð. Eins og fram kemur í bréfinu hafa járnhlutar áhaldsins einir varðveitzt. Aðalstykkið er eggjárn með krók upp frá bakka öðrum megin og tanga út frá honum hinum megin. Fylgir laus járnhólkur, sem hefur verið utan um tréhandfangið. Eins og hann er nú er sniðill þessi 42 sm á lengd, eggin um 23 sm á l., falurinn 16 sm á lengd, hæð króksins frá bakka 5.5 sm, mesta þykkt sniðilsins 0.9 sm, hólkurinn er 3.7 sm í þvermál, en mesta hæð hans 2.2 sm, þykktin 0.2-0.8 sm, og er eins og brotið í hann skarð þar sem hann er lægstur. Verkfæri þetta, sem var all algengt áður fyrr, var haft til að kurla við til kola. Krókurinn framan á því til að ná taki á kvíslum. Sbr. Þjms. 9252, 11469, o.fl.

Aðrar upplýsingar

Efni
Safnnúmer
Safnnúmer A: 14304 Safnnúmer B: 1950-33
Stærð
42 x 0 cm Lengd: 42 cm
Staður
Staður: Ormsstaðir, 701-Egilsstöðum, Múlaþing
Aðfangategund
Undirskrár
Undirskrá: Fundaskrá Undirskrá: Fundaskrá_Lausafundir
Efnisorð / Heiti
Efnisorð: Sniðill

Upprunastaður

65°22'6.3"N 14°18'39.1"W