Skrifpúlt
Varðveitt hjá
Þjóðminjasafn Íslands
Skrifpúlt Jóns Sigurðssonar, notað
af honum í Kaupmannahöfn við ritstörf hans, en keypt síðar af Birni
Jónssyni ritstjóra Ísafoldar og notað á skrifstofu blaðsins af honum og
öðrum alt til síðustu ára. Það er smíðað úr furu og eikarmálað. Það er
tvöfalt, þannig að standa má beggja vegna við það. Púltlokin eru klædd
skinni að ofan . Það er á 2 skápum og eru hurðir fyrir þeim á báða vegu.
Þeim og lokunum er læst með skrám og lyklum. Á púltsendunum eru vængir
á hjörum: er þeim haldið uppi lárjettum með dragrimum á venjulegan hátt,
eins og borðvængjum og skattholslokum. Púltið er 119 að l. og 105 að br.,
32 að h. í miðju, fyrir ofan skápa, þeir eru 83 að h.: lengd þeirra er
jöfn breidd púltsins en br. er 32,5: bilið milli þeirra 53,5. Vængirnir
er 98,8 x 28,4. Málningin var mjög skemd, og skinnið á lokunum einnig
þegar púltið kom til safnsins: enn fremur voru nokkrar skemdir á skápunum.
Sjá mátti, að fyrrum hafði verið ljósari eikarmálning á púltinu (og skápunum)
og skinnið virtist naumast vera upprunalegt. Var því púltið málað á ný
líkt því sem verið hafði í fyrstu og sett ný skinn á púltlokin, en skáparnir
jafnframt málaðir á sama hátt og púltið og endurbættir, ennfremur gert
við læsingarnar. Annars vegar í púltinu eru hólf og 1 skúffa undir lokinu
og sömu megin er dregin út skúffa, sem er undir eða neðst í því öllu, læst
með skrá og lykli. Tvær hillur eru hvoru megin í hvorum skáp. Við
þess konar púlt var ýmist staðið eða setið á háum, (þrífættum) stólum.
Þau tíðkuðust mjög á verzlunarskrifstofum.
Aðrar upplýsingar
Efni
Safnnúmer
Safnnúmer A: 9072
Safnnúmer B: 1925-41
Stærð
119 x 105 x 32 cm
Lengd: 119 Breidd: 105 Hæð: 32 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skrifpúlt