Úr
Varðveitt hjá
Þjóðminjasafn Íslands
Vasaúrúr gulli. Skífan er hvít og eru tölustafirnir rómverskir. Sekúnduvísir er í litlum hring neðst en þar eru tölurnar arabískar. Vörumerkið er Chronometer Balance Chs Lafrenz 1585. Einnig stendur vörumerkið undir lokinu að aftan, en stafir eru rispaðir innan á það. Tveir lyklar fylgja með og eru göt fyrir þá undir lokinu. Kassi er utan um úrið og er hann úr pappa, nema hvað lok og hliðar eru úr skjaldbökuskel, ljós- og dökkbrúnni. Hann er fóðraður innan með rauðu flaueli. Stærð kassans: L. 9,5; Br. 7,4; H. 2,5 cm. Í kassanum er hólf fyirir fingurbaug og er það giftingahringur úr gulli, sjá hér til hliðar. Innan í honum eru stimplar og grafið nafnið Sigfús. Úr þetta var upphaflega í eigu Björns M. Olsen, en hann ánafnaði á dánardægri frænda sínum Sigfúsi Blöndal úrið. Sigfús ánafnaði síðan gefanda úrið á dánardægri sínu. Björn sendi Þjóðminjasafninu úrið til varðveislu 4 des 1970, en bað jafnframt um að það yrði ekki gert opinbert þá vegna gullhrings, sem er í kassanum hjá úrinu og mun vera giftingarhringur Bjargar fyrri konu Sigfúsar. Óskaði Björn eftir að þessu yrði haldið leyndu þar til seinni kona Sigfúsar Hildur væri látin. Í júnímánuði 1979 lést Hildur Blöndal og var úrið þá fært í Aðfangabók eins og gefandi hafði óskað eftir.
Aðrar upplýsingar
Gefandi: Björn Jónsson Blöndal
Efni
Safnnúmer
Safnnúmer B: 1979-72
Stærð
36 x 0 cm
Lengd: 36 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Úr