Til baka í leit
Veistu meira?

Ábreiða, alm. og, óþ. notk.

1450 - 1500
Varðveitt hjá
Þjóðminjasafn Íslands
Ábreiða fremur lítil, nær 1,60 m. að lengd og 1 m. að breidd úr bláum einskeptisvefnaði, nokkuð stórgerðum: hún er öll útsaumuð og á henni marglitur blómstursaumur, grænn, rauður, gulur og hvítur og auk þess margvíslegir millilitir eða litbreytingar. Yst meðfram jöðrunum á hliðunum er mjór bekkur, sem liggur í einlægum bugðum, en að ofan eru smábogar og súlnahöfuð í milli og að neðan eru leggir með blöðum: þar fyrir innan er breiður bekkur, mjög stílsettar rósir, og er bekkurinn með sömu gerð á báðum hliðum, en nokkuð frábrugðinn bæði að ofan og neðan, smábogar með súlnahöfðum í milli og rósum upp af: að ofanverðu eru 2 kvenmyndir á hvorum helmingi bekksins með geislabaug um höfuð eða eitthvað þesskyns: þær halda annarri hendi um stengur og blaktir á hverri stöng rauður fáni með hvítum krossi í miðjunni. Neðst á ábreiðunni fyrir innan þennan bekk er stór urtapottur og spretta þar upp úr 10 leggir eða stönglar, er síðan kvíslast um alla ábreiðuna og eru með blöðum og blómstrum: miðblómstrið stendur á 2 leggjum og tekur yfir alla miðju ábreiðunnar upp í gegn og ganga út frá því greinir til beggja hliða: næstu blómstrin tvö ná og alla leið upp í gegn á báðar hliðar. Allur þessi útsaumur er ger af íslenskri ull og með íslenzkum litum, að því er frenst verður séð: bekkirnir og rósirnar eru með gotnesku lagi, mjög stílsettar og þó einfaldar og óbrotnar: kvenmyndirnar á efsta bekknum sýnast eiga að tákna einhverja helga konu t. d. Maríu mey, en fánarnir eiga að sjálfsögðu að tákna þá fána, er hafðir voru í skrúðgöngum klerka í kaþólskri tíð, en ekki hinn alkunna danfána, þótt litirnir séu hinir sömu. Eptir þeim stíl, sem helzt virðist vera að marka í útsaumnum á ábreiðu þessari, mætti ætla, að hún væri frá síðari hluta 15. aldar, en mun þó varla vera svo gömul: aptur á móti sýnist hún að vera miklu eldri en ábreiða nr. 3629, sem líklega er frá fyrri hluta 18. aldar. Ábreiðan er nokkuð slitin sumstaðar, einkum jaðrarnir, og heldur sér þó furðanlega vel. Hún var eitt sinn í eigu Boga Benediktssonar á Staðarfelli og hefir verið í þeirri ætt svo lengi sem rakið verður.

Aðrar upplýsingar

Ártal
1450 - 1500
Safnnúmer
Safnnúmer A: 4292 Safnnúmer B: 1896-70
Stærð
160 x 100 cm Lengd: 160 Breidd: 100 cm
Staður
Staður: Staðarfell, 371-Búðardal, Dalabyggð
Aðfangategund
Undirskrár
Undirskrá: Munasafn
Efnisorð / Heiti

Upprunastaður

65°7'31.7"N 22°11'18.9"W