Panta mynd Notkunarskilmálar

Skápur

1775 - 1800

Varðveitt hjá

Þjóðminjasafn Íslands

Úr aðfangabók: Skápur úr furu, 92 x 73,5 að st., þ. 28 cm. Framhlið og bak negld á með trjenöglum, en annars er hann geirnegldur. Hliðarnar eru strikheflaðar fremst og aptast. Framhliðin stendur nokkuð uppaf og niðuraf, og lárjettu fjalirnar að ofan og neðan nokkuð útfyrir. Í þá að ofan eru söguð skörð og stallar efst til prýðis. Framan á allar fjalirnar yzt eru negldir strikheflaðir listar, en eru nú allir af, nema sá sem er á lóðrjettu fjölinni hægra megin. Skápurinn hefur verið með 39,5 x 55 cm. stórri hurð, sem vantar gjörsamlega. Innan listanna eru framhliðarfjalirnar allar útskornar með samanhangandi blómskrauti: er útskurðurinn mjög djúpur, ber útlendan svip, helst í régence-stíl, er að því og öðru leyti líkur og á kistlunum nr. 2757 og 7292, sýnilega eptir sama mann. Blómskrautið gengur upp frá keri neðst og situr fugl á því: það er svo sem fest við undirgrind eða lista í bugum og brotum. Í hvoru horni efst er engill. Á miðju eru 2 englar, sem halda uppi kórónu yfir lítilli andlitsmynd í umgjörð með blómskrauti um. Andlitsmyndin og englamyndirnar allar eru ekki gerðar af neinni list. Blómskrautið er áferðarfallegra. Tvær heilar hillur eru í skápnum og hefur verið skotald neðaní hvorri þeirra: efst er 3. hillan, aptast og mjó, með skörðum í röndina til þess að festa í skeiðum. Miðfjölina í bakið vantar, og að ýmsu leyti er skápurinn skemdur af fúa og músáti. Er nú kominn frá Ketilsstöðum á Völlum, en óvíst er um fyrri eigendur hans. Frá síðari hluta, líklega síðasta fjórðungi 18. aldarinnar. Mun vera eptir Hallgrím bíldhöggvara Jónsson. Bekkurinn nr. 3613 er óefað eptir sama. Skáldað í tré (sýningarskrá): Skápur þessi er skorinn af Hallgrími Jónssyni, sem gjarnan var kallaður bíldhöggvari og oft kenndur við Kjarna í Eyjafirði. Hann var þekktur fyrir málaðar altaristöflur en þykir hafa tekist betur upp við útskurð. (Sett inn af Sigrúnu Blöndal, 7.1.2011)