Til baka í leit
Veistu meira?

Kista, úr kirkju

Varðveitt hjá
Þjóðminjasafn Íslands
Kista úr furu, skrautlega máluð, með háu loki og fangamark á og ártal. Skrárarlæsing, lok á hjörum, járnhandföng við gafla báðum megin, og handraði er í kistunni efst við vinstra gafl. Fest er hún saman með nöglum úr tré og járni og geirnegld við horn. L. um 1 m 13 sm, h. rúml. 56 sm, en br. um 55 sm. Ná lok og botninn út fyrir á alla vegu og bolur mjókkar niður. Í loki þrjár fjalir langsum og okar á endum að neðan, er falla við úrtak að brún gafls, tekið af á ská upp frá endum báðum megin og liggja hér ytri fjalirnar tvær, kúptar nokkuð, en ávali yzt á miðfjöl. Tvær fjalir í langhliðunum, en ein í göflum og tvær langsum í botni. Mest þ. kistufjala 3.2 sm. Hjarir úr járni, bilið 69.2 sm, og frá þeim langir sprotar á loki að innan og við bak. Skrá er á miðri framhlið kistunnar að innan, negld og skrúfuð, og ferskeytt hlíf úr járni yfir, að framan ílangt járnlauf, bogadregið á hliðum, að kalla lóðrétt, l. 12.4 sm, og br. mest 6.8 sm, neglt að með járnnöglum. Höfð tvö op á skránni að ofan, og falla í þau styfri samföst ílangri plötu á loki að innan, þetta úr járni og platan negld á lágan stall úr tveimur viðarhvæmum. Höldur eru ofarlega við gafla miðja, láréttar, l. 11.2 sm, og 11.7 sm, gerðar úr sívölum teini, sveigðum við enda, og yzt krókur, sem látinn er ganga í járnlykkju á ferhyrndri flögu úr sama efni. Kistuhandraðinn, liðl. 22 sm á h., br. 14.5 sm, er úr skrimlum, þeir sem framhlið mynda og botn felldir í vegg, en lokið, eins, snýst um typpi á endum. Strikun er á brún kistuloks að framan og utan og neðan á okunum. Máluð er kista þessi að utanverðu nema bakið. Grunnlitur er blár, grænir sveigar greina með ýmislega litum blómum og aldinum á loki og framhlið, stuðlar, rauðir á lit, á hornum og ofan á lokendunum, er rautt þar sem strikun er. Einn sveigur á loki miðju og aldin á, en að framan tveir, sitt hvorum megin miðju, og hér blóm, í hægra sveig innan ártalið 1835, inni í hinum gert fangamark, og virðist mega lesa JBA, stafirnir svartir. Lauf skráar umlykur smágert skraut, málað með svörtu. Lykill úr járni og kopar fylgir, 10.1 sm á l. Nokkuð hefur viður sprungið og úr kvarnazt lítið eitt, samskeyti gisin, málning eydd, fangamarkið óskýrt, blettir á og skrámur og járn ryðgað. Kistan var upphaflega í eigu Ingibjargar ...dóttur, sem átti alla Húsavík eystri. Í kistunni var sitthvað smávegis, sjá næsta númer.

Aðrar upplýsingar

Efni
Safnnúmer
Safnnúmer A: 15865 Safnnúmer B: 1957-130
Stærð
113 x 56 x 55 cm Lengd: 113 Breidd: 56 Hæð: 55 cm
Aðfangategund
Undirskrár
Undirskrá: Munasafn
Efnisorð / Heiti