Greiða

Varðveitt hjá

Brot af hárgreiðu eða eitt stykki af mörgum, sem greiðan hefur verið sett saman úr, eins og títt er um miðaldagreiður, sbr. t.d. nr. 2582 og margar fleiri. Brot þetta er úr beini, 2,2 cm breitt, en tennurnar mislangar, 12 talsins, töluvert eyddar og sumar brotnar. Okar greiðunnar hafa verið negldir á með járnnöglum. - Fannst á Siglunesi og kemst gefandi svo að orði um fundaratburði: Sunnan á Siglunesinu eru margar fornar verbúðarrústir, frá fyrri öldum og sumar eflaust frá miðri 19. öldinni, en um það bil, eða um 1860, munu Eyfirðingar hafa hætt útróðrum þar. Þessar rústir er nú sjórinn farinn að brjóta. Ein þeirra er nefnd Tröllkonudys, aflöng og með grónum þúfum, sem þjóðtrúin hefur myndað um þær sagnir, að þær sýni höfuð, brjóst, kné og tær tröllkonunnar, sem þarna á að vera dysjuð. Vitaskuld er þetta ein forna búðarrústin, en hún snýr frá austri til vesturs, í stað þess að aðrar flestar eða allar snúa frá norðri til suðurs. Þessa rúst er nú sjórinn farinn að brjóta og kemur þar fram úr bakkanum allþykkt öskulag með mikið af beinum, bæði kindar-, hval og fiskbeinum. Þarna fann ég greiðubrotioð í fyrra sumar.

Aðrar upplýsingar

Gefandi: Jón Jóhannesson

Efni

Lífræn efni, Dýraríki, Bein

Safnnúmer

Safnnúmer A: 12742 Safnnúmer B: 1939-215

Stærð

2.2 x 0 x 0 cm Lengd: 2.2 Breidd: 0 Hæð: 0 cm

Staður

Staður: Siglunes 1, Fjallabyggð

Aðfangategund

Munir

Undirskrár

Undirskrá: Fundaskrá Undirskrá: Fundaskrá_Lausafundir

Efnisorð / Heiti

Efnisorð: Greiða

Upprunastaður

66°11'28.8"N 18°50'25.9"W