Peningabudda
1840
Varðveitt hjá
Þjóðminjasafn Íslands
Flauelsbudda, svört, með marglitri baldýringu og ártal á og fangamark. Þetta ílöng skjóða, bogadregin neðan og upp eftir hliðum, en þrengist lítið eitt að ofanverðu, hún er gerð úr tveimur stykkjum, jafn stórum, saumuðum saman, og fóðruð bláu silki. Grænt silkiband með marglitum skúf á endum er dregið gegn við op. Lengd er 11,3 cm, breidd 9,7 cm, vídd við op 7,3 cm og lengd bandsins um 23 cm. Haft blómskraut báðum megin, baldýrað með gylltum vír og silfurlitum, og auk þess með silkiþræði í ýmsum lit, og hér bæði notað brúnrautt, gulbrúnt, bleikt, blátt, fjólublátt, grænt og ljósgrænt. Gylltur þráður með brún allt umhverfis að opi, en þar lykkja, er nær fram fyrir, og tveir slíkir þræðir liggja samsíða meðfram opi. Upphafsstafirnir J. Th. saumaðir nálægt miðri hlið öðru megin, með gylltum vír og fjólubláum silkiþræði, og nálægt hinni hliðinni miðri er gert á sama hátt ártal, 1840. Í skúfnum hafður gylltur vír og gulur grænn, rauður og bleikur silkiþráður. J. Th. eru upphafsstafir í nafni séra Jóns Thorarensens (1830-1895), sonar Bjarna amtmanns Thorarensens.
Steinunn Bjarnadóttir Melsteð, systir Jóns Thorarensen, og amma gefanda, saumaði. Falleg vinna og slitmerki nær engin.
Aðrar upplýsingar
Ártal
1840
Efni
Safnnúmer
Safnnúmer B: 1962-30
Stærð
305 x 172 x 17.5 cm
Lengd: 305 Breidd: 172 Hæð: 17.5 cm
Staður
Staður: Stóra-Holt, Stórholt, 370-Búðardal, Dalabyggð
Sýningartexti
Peningapyngja brydduð umhverfis og á báðum hliðum er baldýrað blómamunstur með marglitum þræði og silfur- og gullþræði. Stafirnir J.Th. og ártal 1840 eru saumuð hvort á sína hlið. Stafirnir eru fangamark séra Jóns Thorarensens er lengst var prestur í Stóra-Holti í Saurbæ, d. 1895. Pyngjuna gerði Steinunn Melsted í Klausturhólum, systir hans.
1962-30
Peningapyngja brydduð umhverfis og á báðum hliðum er baldýrað blómamunstur með marglitum þræði og silfur- og gullþræði. Fangamark J.Th. og ártal 1840 eru saumuð hvort á sína hlið.
1962-30
Aðfangategund
Undirskrár
Undirskrá: Munasafn
Efnisorð / Heiti
Upprunastaður
65°23'59.3"N 21°53'42.5"W