Til baka í leit
Veistu meira?

Nálhús

1875 - 1900
Varðveitt hjá
Þjóðminjasafn Íslands
Nálhús, rennt úr rostungstönn. Það er eilítið sveigt, sem skýrist af lögun tannarinnar. Það er sívalt og á því eru sex kragar. Milli kraganna gæti tvinna hafa verið vafið og þá mögulega í fimm mismunandi litum, því bilin milli kraganna eru fimm. Á endum eru tappar með hnúðum á. Tapparnir eru báðir með skrúfgangi og nálhúsið því opnanlegt í báða enda. Snotur og vandaður gripur og líkur gripur ekki til í safninu. Nálhúsið er rennt af Friðriki Ferdinand Söebech beyki, handa konu hans, Karólínu Febínu Jakobsdóttur Thorarensen. Þaðan fór það til Karólínu Friðriku dóttur þeirra hjóna og loks til hennar dóttur, Valborgar Elísabetar Bentsdóttur. Valborg vildi að nálhúsið gengi til Þjóðminjasafnsins. Dætur hennar, Silja Sjöfn og Edda Völva, afhentu nú nálhúsið til safnsins. Upplýsingar um Friðrik Ferdinand, Karólínu Febínu og Karólínu Friðriku fylgdu með á ljósritum og eru geymd í möppu: Fylgiskjöl aðfangabókar.

Aðrar upplýsingar

Ártal
1875 - 1900
Efni
Safnnúmer
Safnnúmer B: 2010-70
Stærð
10.9 x 2.2 x 0 cm Lengd: 10.9 Breidd: 2.2 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Nálhús