Tóbaksbaukur
Varðveitt hjá
Þjóðminjasafn Íslands
Úr aðfangabók: Tóbaksbaukur (ponta) úr rostungstönn, dökkleitur silfurbúinn, lengd með töpp og tappa 19 cm, mesta breidd 5,1 cm og mesta þykkt 3,5 cm (um rósirnar). Hann er af venjulegri lögun og með brúnaflötum. Á miðjum hliðum eru 8 - blaðaðar víravirkisrósir úr silfri og ,,steinn" í miðju úr rauðu, glæju gleri. Stúturinn er ógrafinn, en í kringum opið er renndur kragi. Á tappanum er fjöður, sem festir hann í stútnum, en efst er hnúður, sem er eins og hýdd appelsína á að sjá. Tappinn er festur við pontuna með silfurkeðju. Töppin er ferskeytt og á lokið eru grafnir stafirnir JJ, sem eru upphafsstafir Jóns Jónssonar í Purkey, en áður hafði átt pontuna Hafliði Eyjólfsson í Svefneyjum. Rétt ofan við keng þann, sem festir tappakeðjuna við pontuna er stimpillinn RS. þ.e. Rögnvaldur Sigmundsson í Fagradal (d. 1871). Silfur í Þjóðminjasafni: Tóbakspontan er frá 19. öld. (sbl. 2.11.2010) Á minjaslóð: Tóbakspontan er einn vandaðasti gripur Rögnvaldar. Rostungstönnin, sem er uppistaðan í pontunni, er mjög dökk sem bendir til þess að tönnin hefur legið lengi í jörðu. (sbl, 15.12.2010)
Aðrar upplýsingar
Rögnvaldur Sigmundsson, Hlutinn gerði
Efni
Safnnúmer
Safnnúmer A: 11415
Safnnúmer B: 1932-127
Stærð
19 x 5.1 x 3.5 cm
Lengd: 19 Breidd: 5.1 Hæð: 3.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Tóbaksbaukur
Heimildir
Þór Magnússon. Silfur á Þjóðminjasafni. Reykjavík, 1996: bls. 27. Þór Magnússon. Á minjaslóð. Reykjavík, 2007; 37-43.