Teikning, listræn
1916
Varðveitt hjá
Þjóðminjasafn Íslands
Höfðaletursstafróf, teiknað og
skrifað á hvítt blað með svörtu bleki. Efst stendur: Höfða-letur eftir
forskrift -"Vigfúsar Sigurðssonar"-. Þar fyrir neðan er höfðaletursstafrófið
sem sýnir stafina a, b, d, e, f, g, h, i, í, k, l, m, n, o, ó, p, r, s,
t, u, ú, v, x, y, ý, z, þ, ö, æ. Þar fyrir neðan stendur svo: Hljóðstafina
í, ó, ú, á, ý, má tvöfalda eftir gamalli reglu, til dæmis: aa fyrir á;
ii fyrir í; o.s.frv. Geitagerði 17. júní 1916. Geir Guttormsson. Það
er vafalítið Geir Guttormsson Þormar, sem fæddist í Geitagerði í Fljótsdal
23.8.1897, d. 26.4.1951. Árið 1916, bjó hann í Geitagerði en hafði ekki
tekið upp nafnið Þormar. Síðar (1920) tók hann sveinspróf í tréskurði og
teikningu hjá Stefáni Eiríkssyni. Stundaði svo frekara nám í þeim greinum
í Kaupmannahöfn 1924-26. Var kennari í teikningu og handavinnu á Akureyri
frá 1934. Rak ennfremur sjálfstætt verkstæði í mörg ár. Geir hefur þá verið
á nítjánda ári þegar hann gerði þessa teikningu. Blaðið er orðið nokkuð
slitið, sérstaklega í brotum, en letrið er enn skýrt og greinilegt.
Gripirnir nr. Þjms. 2010-29 eru
úr eigu Petrínu Kristínar Jónsdóttur (f. 1909, d. 2002). Gefandi
gripa nr. 1-4 er dóttir hennar, Kristín Helgadóttir (f. 1931).
Gripunum fylgdi fjöldi upplýsinga,
prentaðra og skrifaðra, sem varðveittar eru í möppu: Fylgiskjöl aðfangabókar.
Þetta eru eftirfarandi gögn:
Æviágrip Guðbjargar Helgadóttur
frá Gíslabæ á Hellnum (f. 21.11.1885).
Ljósrit af minningargreinum um
Kristínu Jónsdóttur (Petrínu Kristínu Jónsdóttur).
Ritgerð um Jóhannes Helgason frá
Hellnum, eftir Hildi Margrétardóttur.
Ljósrit af grein úr Lesbók Morgunblaðsins,
2. september 2000, um Jóhannes Helgason frá Gíslabæ á Hellnum.
Ljósmyndir af gripum eftir Jóhannes
Helgason frá Gíslabæ á Hellnum.
Gjafabréf til Hellnakirkju varðandi
útskorinn ramma eftir Jóhannes Helgason um altaristöflu í kirkjunni.
Úrklippur úr dagblöðum um útskorna
rammann um altaristöfluna í Hellnakirkju.
Ljósrit af uppskrift af ljóði (grafskrift)
um Jóhannes Helgason skurðlistamann frá Gíslabæ á Hellnum.
Ljóðið Förukarlinn eftir Davíð
Stefánsson, handskrifað á tvö blöð.
Ljósmynd af Baðstofugafli síðasta
Malarrifsbæjarins.
Ljósrit af skjalaskrám Borgarskjalasafns
Reykjavíkur, úr skjalasafni Kristínar Helgadóttur þar, um hana sjálfa,
um móður hennar, og um Guðmund Kristjánsson.
Gjafabréf til Þjóðminjasafnsins
sem fylgdi gripunum sem bárust 1998 (Þjms. 2010-29-5 til 10).
Fleiri gögn.
Aðrar upplýsingar
Ártal
1916
Efni
Safnnúmer
Safnnúmer B: 2010-29-4
Stærð
17.7 x 16.9 x 0 cm
Lengd: 17.7 Breidd: 16.9 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Heimildir
Kennaratal á Íslandi, I. Ólafur
Þ. Kristjánsson, Reykjavík 1958, bls. 151.