Einkennisbúningur, amtmanns, landshöfðingja
Varðveitt hjá
Þjóðminjasafn Íslands
Einkennisbúningur
Jóns Sveinbjörnssonar sem konungsritara. Treyja, buxur og hattur.
a. Treyja úr svörtu, þykku klæði, fóðruð með svörtu satíni. Hún er
einhneppt, skarð upp í bakið, kragi uppréttur og uppslög fremst á ermum.
Sídd við bak 87 sm. Mjó, hvít brydding á jöðrum, nema neðst. Blómskraut,
baldírað með gullþræði, er á kraga og uppslögum. Að framan átta kúptir
látúnshnappar með upphleyptu ríkismerki Íslands, eins og það var fyrir
stofnun lýðveldisins. Við skarðið að aftan þrír hnappar af þessari gerð
báðum megin. Flíkin ber merkið: V. Külerich & Co, Köbenhavn.
b. Buxur, saumaðar úr sama efni og treyjan. Síddin um 107 sm. Á skálmum
að utan liggja að endilöngu gullofnir barðar með blómskrauti. Merki á:
V. Külerich & Co, Paldgade 2, Köbenhavn. c. Bátlaga hattur,
svartur. L. um 42 sm, mest br. nál. 17 sm, og h. um 12.5 sm mest. Með svörtum
fjaðrakambi að ofan. Á kolli framarlega er kringlótt pjatla með íslenzku
fánalitunum, hægra megin, yfir henni stílfært blómskraut úr gylltum málmi
og festur hnappur af sömu gerð og þeir, sem á treyju eru. Hvítt dúkfóður
í kolli og hér merkið: C. L. Seifert, Köbenhavn, etc. Allur
er búningur þessi mjög vandaður. Í bréfi frá Erling Sveinbjörnssyni,
sem gjöfinni fylgir, en það er dags. 25.1.1954, segir m.a.: Því miður get
ég ekki sem stendur látið fylgja korða þann, er faðir minn bar með búningnum
sökum þess, að hann hafði þegar ráðstafað korðanum, áður en hann dó, en
ég vonast eftir síðar að geta komið því svo fyrir, að korðinn verði sendur
safninu.
Aðrar upplýsingar
Safnnúmer
Safnnúmer A: 15370-c
Safnnúmer B: 1954-2-3
Aðfangategund
Undirskrár
Undirskrá: Munasafn
Efnisorð / Heiti