Panta mynd Notkunarskilmálar

Legsteinn

Varðveitt hjá

Þjóðminjasafn Íslands

Viðbætur Þóru Kristjánsdóttur 2008: Sjá um Guðmund Guðmundsson, einn fjölhæfasta listamann á Íslandi á 17. öld, í bókinni Mynd á þili, bls. 56-65. Þessi legsteinn er úr gamla kirkjugarðinum í Gunnarsholti. Hann er með ártalinu 1640 og er elsta verk Guðmundar sem þekkt er, og annað tveggja sem hann merkti með nafni sínu. Hitt verkið sem Guðmundur setti nafn sitt á er myndskreytti skírnarfonturinn úr gráu klébergi í Hóladómkirkju sem Gísli Þorláksson biskup lét Guðmund höggva árið 1674. Skírnarfonturinn er með úthöggnum myndum og nöfnum þeirra beggja. Úr aðfangabók: Legsteinn, hella úr blágrýti, sljett og vel löguð af náttúrunni, en ótilhöggvin: l.92,5 - 102 cm., vinstri rönd styttri br. 40,5 - 45,2 cm., neðri endi mjórri: þ. 4,3 - 8,3 cm., vinstri rönd þykkari. þversum yfir efri endann er fallega gerður rósabekkur, er blóm á miðju og ganga greinar út til beggja hliða í mörgum sívafningum: st. 38,3 x 10,7 cm. Þar fyrir neðan eru 5 línur þversum, upphaf grafskriptarinnar, og er hún öll með fallegu, gotnesku letri, smáletri með upphafsstöfum innanum: leturh. um 3 cm. Letrið er niður grafið, en blómið upphleypt. Þessar fyrstu 5 línur eru þannig: Huiildar: StADur: Þeirr | Ar: FrOmu: Og: GuDHræ | æDu: Kuinnu: SÓlveigAr:EinArs|Dottur. Fallega höggvin, upphleypt blóm eru út frá tveim neðstu línunum. Því næst koma 9 línur langsum, fyrst 5 heilar, þá hluti af orði í miðri 6. línu og er autt beggja vegna, og loks 3 línur, ritningargrein: Sem. Firer: ÞAnn StunD | lega:DAuDA: Inngieck: I / siins: HerrA: TeAugnud | ÞAnn: 9. OCTOB: ANO: 1640 | A: SZ. Are: HennAr: All | Dursc | - SAler: RiettlAtrA: Eru: I | GuDs: HenDe: Og: Einge | PiinA: Snert: Þær: SAatl. Fyrir neðan áletranin kemur síðan yfir þveran steininn einkar vel gerður, tvöfaldur, Upphleyptur greinastrengur, 37 x 7,6 cm. Fyrir neðan hann er höggvið, í 2 línum: GUDMUND'GUDMUNDI'| SCULPSIT. Fyrir neðan hvorn þessara tveggja lína er einfalt strik og Sömuleiðis frammeð áletuninni beggja vegna, dálítið fyrir innan rendurnar. Þessi Guðmundur er vafalaust Guðmundur smiður Guðmundsson frá Bjarnastaðahlíð, yfirsmiður við bygging Skálholts-dómkirkju og legsteina þar. -Frá Gunnarsholti. Þar er nú alt uppblásið og sandkafið.