Vasaúr

1900 - 1919

Varðveitt hjá

Vasaúr. Gullúr með festi. Festin er 26 cm löng sett saman úr litlum hlekkjum. Efst á henni er stærri hringur þar sem hún hefur verið fest við vesti en á hinum endanum er minni hringur fastur við hring á úrinu sjálfu rétt fyrir ofan trekkjarann sem er efst á úrinu beint fyrir ofan töluna tólf. Úrið er með litlum sekúnduvísi og venjulegum tölustöfum. Það er merkt í miðju meða stöfunum INVAR og nafni úrsmiðsins Magnúsar Benjamínssonar. Aftan á því er grafin skrautleg áletrun með upphafsstöfum eigandans KG. Stafirnir eru kræktir saman á einum stað og allt í kringum þá er grafið skraut sem myndar m.a. keðju og tvær slaufur. Gefið Kristni á silfurbrúðkapsafmæli hans og Rakelar Jónasdóttur. Við sama tækifæri fékk Rakel skúfhólk skráð 1973:82. Brúðkaupsgjafir frá sveitungum þeirra Mýrhreppingum vestur í Dýrafirði árið 1919.