Jöklastika

Varðveitt hjá

Jöklastika (líkan). Stikan er gerð úr þrem spýtum, ca 24 cm löngum, 3-3,5 cm breiðum og 2,8-3 cm þykkum. Þær eru blaðaðar og negldar með trénagla, þar sem þær koma saman, þannig: Tvær spýtur eru festar saman og mynda 90° gráðu horn við flötinn, sem hinar liggja í. (Sbr. bréf frá gefanda 16.11.1977). Slíkar stikur voru notaðar þegar var "farið á jökli" yfir Jökulsá á Breiðamerkursandi, á árunum 1870-1941. Stikurnar voru hafðar til að merkja skástu leiðina. Sigurður Ingimundarson, sem bjó á Kvískerjum 1864-82 mun hafa fundið upp stikur þessar. Fram undir 1930 voru til leifar af stikum eldri en 1905, líklega smíðuðum af Stefáni Jónssyni, síðar hreppstjóri á Kálfafelli í Suðursveit, eftir stikum Sigurðar. Þessar stikur voru um þriðjungi stærri en líkanið. 1905 tók Björn Pálsson bóndi á Kvískerjum við umsjón "jökulvegarins". Hann smíðaði stikur sem oftast voru um hermingi stærri en líkanið. Stikur hans voru negldar með járnnöglum, en ekki blaðaðar og trénegldar, eins og áður var gert. Stikurnar höfðu þann kost sað vera áberandi, hvernig sem þær ultu, en það er nauðsylegt á jöklinum. Á Skeiðarárjökli voru ekki notaðar svona stikur, heldur greinamiklar birkihríslur.

Aðrar upplýsingar

Gefandi: Sigurður Björnsson

Efni

Lífræn efni, Viður

Safnnúmer

Safnnúmer B: 1977-180

Stærð

24.5 x 4.5 x 24 cm Lengd: 24.5 Breidd: 4.5 Hæð: 24 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Jöklastika