Til baka í leit
Veistu meira?

Öskjur, óþ. hlutv.

Varðveitt hjá
Þjóðminjasafn Íslands
Öskjur úr silfri, allar drifnar og grafnar: fæturnir eru sitjandi ljón, hvert undir sínu horni. L. 16,7, br. 13,4, -mælt um lok: h. 7,5 um mitt lokið en það er dálítið hvelft. Sneitt er af hornum og hornflöturinn drifinn og eins og hliðar og gaflar í sveigjum út og inn. Lokið er einkum skreytt, með drifnu verki. Er þar að sjá landslag í fjarska, en næst er tjald eða sljettur flötur með áletran: beggja vegna við hann situr kvenleg vera, táknmynd, og er sú sem situr vinstra megin, líkl. Saga, að rita rúnir á spjald, en hún tekur höndum um hægri fót sjer, kreptan, situr hugsi, líkl. Endurminning ( Historia og Memoria ). -Rúnirnar má lesa: ( Rúnir sem ekki er hægt að skrifa SA.) , og neðar ( rúnir sem ekki er hægt að skrifa SA.): en líklega merkja þær ekkert sjerlegt ( im mit kongr -msu ). -Efst eru tjöld í miklum fellingum, með kögri og böndum: svífur þar smáengill og tekur í böndin: mun vera að binda upp tjöldin, svo að áletrunin sjáist: en hún er með skrifletri og á þessa leið: Tillagt | Bartheyri kyrkju af Amtmanne Finnur Egilsson | og Fru Tora Gudorandsdötter | Fyrer | Legstað þeirra(!) Foreldra | Saluga | Amtmanne Egils Thorkelson og | Fru Sigride Olafsdöttur | Ao 1747. - Áletrunin og raunar öskjurnar allar eru gerðar í líkingu við oblátuöskjurnar frá Bessastöðum, sem nú eru í Vídalíns-safni [nr. Víd. 11]. Gef. fjekk þessar öskjur að gjöf frá Jóni konsúl Vidalín og kvaðst hann hafa keypt þær í Hróarskeldu. Sennilega hafa þær verið gerðar um sama leyti og Jón Vídalín ljet gera eptirlíking þá af Bessastaðaöskjunum, sem nú er þar í kirkjunni. Óvíst er, hver gjört hefur: stimpillinn P er á botni, settur þar til epterlíkingar gömlum stimpli. - Öskjurnar eru vel gerðar og vandaðar að öllu leyti: gyltar innan. En áletrunin á lokinu sýnir, að þær hafa verið búnar til í sviksamlegum tilgangi. - Gef. áleit að þær væru gamall íslenzkur kirkjugripur, en óvíst er um álit Jóns Vídalíns á þeim.

Aðrar upplýsingar

Efni
Safnnúmer
Safnnúmer A: 10159 Safnnúmer B: 1927-162
Stærð
16.7 x 13.4 x 7.5 cm Lengd: 16.7 Breidd: 13.4 Hæð: 7.5 cm
Aðfangategund
Undirskrár
Undirskrá: Munasafn
Efnisorð / Heiti