Til baka í leit
Veistu meira?

Kistill, + hlutv.

1790
Varðveitt hjá
Þjóðminjasafn Íslands
Kistill, smíðaður úr furu og skreyttur útskurði og málningu: l. 38, br.22,8 og h. undir lok 19,3 cm., en það er um 2 cm. þ. með útskurðinum á, og undir endunum á því eru strikheflaðir okar: það er flatt, strikheflað við rendur, blátt, en strikin þó hvít.  Fyrir innan þau eru negldir (með trjenöglum) útskornir og gagnskornir listar á lokið, á alla vegu, 3,6 cm. br., sljett yzt og málaðir þar rauðir, en annars gulir, útskurðurinn: nú er nær allur sá farfi slitinn af.  Á miðju loki er gagnskorin fjöl, með strikum yzt og SBD í miðju: strik og stafir rauð: fjölin hefur sennilega verið græn að öðru leyti,  - eins og blómkringlur útskornar, grænar og rauðar, sem eru hvor við sinn enda fjalarinnar, 5 cm. að þverm.: fjölin er 6,2 að br. um alt miðbikið og 19,4 að l.  Hliðarnar eru skreyttar á sama hátt og lokið, nema að blómkringlur eru engar á þeim.  Litirnir á þeim halda sjer vel enn: í spjaldinu á bakhliðinni er ANNO, en á framhlið 1790: fremstu stafirnir þó ekki heilir nú.  - Okarnir eru gulir með rauðum strikum, og gaflar, blámálaðir  eru með skornum blómum, og gagnskornum eða með 4 götum, og eru blómin máluð gul og rauð líka.  Þessar gaflfjalir má draga upp, þegar búið er að taka upp lokið á kistlinum, og eru aðrir gaflar innanvið þær og þó skúffur neðst, sín í hvorum enda, 4,7 cm. að h.  - Götin í yfirgöflunum eru til að taka í, jafnframt, þegar þeir skulu dregnir upp.  Kistillinn er með góðum járnlömum og járnskrá, og er upprunalegt verk á því öllu, enda heldur kistillinn sjer að mestu leyti vel, hefur og ekki farið margra í milli:  Bjarni amtmaður Thórarensen gaf Steinunni dóttur sinni þennan kistil, og hefir Vigfús faðir hans, sýslumaður á Hlíðarenda, smíðað hann handa konu sinni, Steinunni Bjarnadóttur, eins og stafirnir á lokinu sýna (S.V.).  Sbr. nr. 6829, - svipaður kistill úr eigu Stefáns Thórarensen, prests að Kálfatjörn, sennilega smíðaður af Vigfúsi sýslumanni líka: sá kistill er með ártalinu 1780.

Aðrar upplýsingar

Ártal
1790
Efni
Safnnúmer
Safnnúmer A: 2954 Safnnúmer B: 1887-67
Stærð
38 x 22.8 x 21.3 cm Lengd: 38 Breidd: 22.8 Hæð: 21.3 cm
Aðfangategund
Undirskrár
Undirskrá: Munasafn
Efnisorð / Heiti