Náttserkur
1920 - 1940
Varðveitt hjá
Þjóðminjasafn Íslands
Náttserkur úr hvítu lérefti, síður
og með síðum ermum. Í hálsmáli er kragi, um 8,5 cm breiður með blúndunni
sem saumuð er meðfram brún kragans. Frá hálsmáli er 37 cm löng klauf að
framanverðu, sem hneppt er með fjórum tölum sem saumað er um með hvítum
þræði. Neðst í klaufina innanverða er skrifað E með penna, líklega
einhvers konar merking. Frá öxlum og niður á brjóst eru rykkingar og saumaðar
blúndur. Eins er gert í ermarnar framanverðar. Fremst á ermar er saumuð
blúnda. Serkurinn er í góðu ástandi. Hann er úr eigu Grethe (Margrethe
Harne Ásgeirsson), móður gefanda, og gæti verið frá Danmörku.
Gefandi er Eva Harne Ragnarsdóttir,
blaðamaður og kennari. Lilja Árnadóttir, fagstjóri munasafns Þjms., sótti
gripina á heimili hennar og Önundar Ásgeirssonar að Kleifarvegi 12. Foreldrar
Evu voru Ragnar Ásgeirsson, garðyrkjufræðingur, ráðunautur í Reykjavík,
f. 6. nóv. 1895 í Kóranesi, Álftaneshr., Mýr., d. 1. jan. 1973 og kona
hans Margrethe Harne Ásgeirsson, f. 20. feb. 1895 í Danmörku, d. 12. jan.
1971 (fædd Nielsen Harne). Móðuramma Evu var Margrethe Nielsen, f. 1873
á Samsø í Danmörku, bjó síðar í Árósum.
Aðrar upplýsingar
Ártal
1920 - 1940
Efni
Safnnúmer
Safnnúmer B: 2007-10-1
Stærð
132 x 0 x 0 cm
Lengd: 132 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Náttserkur