Til baka í leit
Veistu meira?

Kistill, + hlutv.

1758
Varðveitt hjá
Þjóðminjasafn Íslands
Kistill, allur Útskorinn með djúpum hríslurósum. Innan í rósinni á lokinu stendur maður með þríspertan hatt: hann er í  „rokk,“  og síðu vesti innan undir. Þar fyrir neðan er ljón: á undan því rennur minna dýr, 2 fuglar eru þar og. Á framhliðinni er maður og kona: hún er í hempu með háan fald, en hann í sama búningi og hinn á lokinu. Ofan til í hornunum eru engilshöfuð vængjuð. Á apturhliðinni er maður með fálka, er siturá höndum honum, er hann réttir fram. Á öðrum gaflinum eru 2 ljón, en á hinum fugl í rósinni. Innan á lokinu er skorið með stóru snarhandarletri, og eru stafirnir bundnir hver í annan:  „ Guðrun Illugadóttir 1758.“  Stokkurinn er með handraða, og með eirlömum: okarnir á lokinu eru líka skornir.

Aðrar upplýsingar

Ártal
1758
Efni
Safnnúmer
Safnnúmer A: 1004 Safnnúmer B: 1874-18
Sýningartexti
Kistill, allur útskorinn á loki og hliðum og virðist gerður úr stærri kistili, því að alls staðar er sagað af skurðinum á brúnum. Á lokinu er rós og þar stendur maður með þríhyrndan hatt, í rokk og síðu vesti innan undir. Neðar hleypur ljón og minna dýr rennur undan. Á framhlið eru maður og kona, hún er í hempu með háan fald en hann í sama búningi og maðurinn á lokinu. Á afturhlið er maður með veiðihauk og situr hann á handlegg mannsins. Á öðrum gaflinn eru skorin tvö ljón en á hinum er fugl. Innan á lokið er skorið nafinið Guðrún Illugadóttir og ártalið 1758. 1004 Kistill, allur útskorinn á loki og hliðum og virðist gerður úr stærri kistili, því að alls staðar er sagað af skurðinum á brúnum. Á lokinu er rós og þar stendur maður með þríhyrndan hatt, í rokk og síðu vesti innan undir. Neðar hleypur ljón og minna dýr rennur undan. Á framhlið eru maður og kona, hún er í hempu með háan fald en hann í sama búningi og maðurinn á lokinu. Á afturhlið er maður með veiðihauk og situr hann á handlegg mannsins. Á öðrum gaflinn eru skorin tvö ljón en á hinum er fugl. Innan á lokið er skorið nafinið Guðrún Illugadóttir og ártalið 1758. 1004
Aðfangategund
Undirskrár
Undirskrá: Munasafn
Efnisorð / Heiti