Veggspjald, skráð e. hlutv.
1972
Varðveitt hjá
Þjóðminjasafn Íslands
Plakat / veggspjald úr pappír.
Það er frá árinu 1972 og er útgefið að tilstuðlan Herstöðvaandstæðinga.
Á því er mynd af ofnu veggteppi eftir Hildi Hákonardóttur, í hvítum, bláum
og grænum litum. Efst eru fjögur friðartákn, það í miðið sýnir hönd með
tveimur uppréttum fingrum (sem er friðarmerki). Þar fyrir neðan er upptalning
á nöfnum ýmissa hreyfinga (uppreisnarhópa, skæruliða og andspyrnuhreyfinga):
VIET MINH; TUPAMAROS; BLACK PANTHERS; FNL; AL FATAH; PATHET LAO; IRA; FRELIMO;
MPLA. Þar fyrir neðan eru þrjár línur með myndum af rifflum, sjö í hverri
línu. Síðan kemur mynd af fljúgandi friðardúfu með grein (ólífugrein?)
í gogginum. Hún flýgur að því er virðist í íslenskri náttúru með fjöll
í baksýn. Fyrir ofan hana er orrustuflugvél sem varpar sprengjum á dúfuna.
Neðst á veggteppinu stendur: ÞEIM MÖNNUM SEM HANN HEFUR VELÞÓKNUN Á [úr
Lúkas 2,14]. Þar til beggja hliða eru friðartákn. Neðst eru prentaðar upplýsingar
á ýmsum tungumálum um það hvernær plakatið er útgefið, hvaðan áletrunin
er tekin, eftir hvern veggteppið er og að plakatið sé útgefið fyrir tilstuðlan
Herstöðvaandstæðinga.
Plakatið er rifið á tveimur stöðum
efst en þó vantar ekki í það.
Gefandi er Inga Lára Baldvinsdóttir,
fagstjóri Ljósmyndasafns Íslands. Allir gripirnir nr. Þjms. 2008-64 eru
úr hennar eigu og tengjast pólitískum áróðri.
Aðrar upplýsingar
Ártal
1972
Efni
Safnnúmer
Safnnúmer B: 2008-64-1
Stærð
83.5 x 59.5 x 0 cm
Lengd: 83.5 Breidd: 59.5 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Veggspjald, skráð e. hlutv.