Skál, óþ. hlutv.
1960 - 1970
Varðveitt hjá
Þjóðminjasafn Íslands
Stór leirskál frá keramikgerðinni
Glit. Hún tilheyrir svokallaðri "lava"-seríu fyrirtækisins. Skálin
er 47,5 cm í þvermál og 10,5 cm há og er óvenjustór gripur úr framleiðslu
fyrirtækisins. Þessir gripir voru mjög vinsælir á sjöunda áratug tuttugustu
aldar og fram á þann áttunda. Skálin er brún að lit að innan og í botninnn
er hún einnig grænyrjótt. Á utanverðu er skálin yrjótt í brúnum, hvítum
og bláum litum. Á brúninni utanverðri, rúmum 1,5 cm fyrir neðan skálarbarminn,
er "hraunrönd", u.þ.b. 3,5 cm breið (hraunáferðin er mynduð með
skurði í leirinn). Undir skálina er skorið GLIT ICELAND og LAVA.Skálin
stóð lengi á borði í afgreiðslu skrifstofa Þjóðminjasafnsins á Suðurgötu
(áður en sýningum var lokað vegna endurgerðar árið 1998). Líklega hefur
safnið á einhverjum tíma tekið skálina sem greiðslu fyrir notkun á sýningaraðstöðu
og skálin þá verið hluti af sýningunni (t.d. í Bogasalnum), enda er númerið
16 límt neðan á skálina opg hefur það þá væntanlega verið númer skálarinnar
á sýningunni.
Aðrar upplýsingar
Ártal
1960 - 1970
Efni
Safnnúmer
Safnnúmer B: 2005-19
Stærð
47.5 x 10.5 cm
Lengd: 47.5 Breidd: 10.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skál, óþ. hlutv.