Bakkaljár
Varðveitt hjá
Þjóðminjasafn Íslands
Bakkaljár með vírnetsgrind.
Lén, útlent, neglt að bakka með þrettán hnoðnöglum, en bakkann smíðaði
Helgi Björnsson, bróðir gefanda, úr gormi tundurdufls. Er grindin
á ljá þessum þannig gerð að mjór, kringlóttur teinn, festur við nagla í
bakkanum, er sveigður og búin til ferhyrnd umgerð, í hana er svo sett vírnet.
Lengd 70,5 cm, lengd við spjör 10 (?) cm, breidd mest á sjálfum ljánum
4,4 cm, lengd grindar 48,7 cm og hæð við hana 38 cm. Þrjár lykkjur
gerðar úr blikkborða halda vírnum að bakka. Á umgerð grindar eru
tvö bönd, úr sama vír og í netinu, annað einfalt, um 161 cm á lengd, og
það fest nálægt miðju að ofan, hitt, þrefalt frá grind og um helming fram,
lengd um 62 cm, er bundið á afturhlið miðri. Ljárinn sjálfur ryðgaður.
Þetta lokastig grindaljáa,
sem notaðir voru til þess að slá svæður þar sem gulstör vex. Efra
bandið í grindinni er bundið um orfið upp undir hæl. Heita má að
hætt sé að slá með grindarljá og svæðurnar slegnar með dráttarvél. Netið
er öðruvísi riðið en lengst af var, en ákjósanlegast er að það gefi vel
eftir.
Aðrar upplýsingar
Gefandi: Sigurður Björnsson
Safnnúmer
Safnnúmer B: 1963-29
Stærð
70.5 x 4.4 x 0 cm
Lengd: 70.5 Breidd: 4.4 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Bakkaljár