Panta mynd Notkunarskilmálar

Brjóstnæla

900 - 1000

Varðveitt hjá

Þjóðminjasafn Íslands

Tvö nisti eða spennur (möttulskildir) úr bronzi (kopar blending). Þau eru sporöskjulöguð og hvelfd. Í þeim báðum innanverðum hefir verið járnþorn, til þess menn gæti nælt saman með öðrum þeirra klæði sín, ef vildi, eða haft þau fyrir feldardálka. Sextán göt eru boruð gegnum röndina á þeim, til þess hægt væri að sauma þau á klæði sín til skarts, ef vildi: má af því sjá, að það eru möttulskildir, er festir voru á möttulinn, þar sem tygillinn var festur í. Þegar skildir þessir fundust, loddi enn grænt klæði (af möttli?) innan í öðrum þeirra eða báðum. Ofan á skjöldunum er laus grind, sem negld er á með fjórum járnnöglum. Grindin er öll gagnskorin með derkamyndum og auk þess með tveim mannshöfðum með stórum kömpum. Grindin hefir verið með gyllíngu og platan undir fögur og gyllt. Á hliðunum eru 8 ferhyrníngar silfraðir(?), og eru á milli drekamyndir gylltar, og nokkur drekahöfuð silfruð eða með silfurlit neðst á röndinni. Skildirnir eru 4 þumlúngar og 2 línur á lengd, en 3 1/2 þumlúngur á breidd.