Til baka í leit
Veistu meira?

Altarisdúkur

Varðveitt hjá
Þjóðminjasafn Íslands
Úr aðfangabók: Altarisdúkur úr dökkgrænu, smágerðu vaðmáli, og er lagt undir hann annað borð svo sem fóður, úr nokkuð annars konar grænu vaðmáli, og stendur það 12-13 cm. út-undan á 3 vegu: en að framan er 14 cm. breið brún, öll útsaumuð með margvíslega litu ullarbandi, saumuð í hann blóm með smágerðum fljettusaumi: gengur brúnin einnig fyrir endana um 30-40 cm. Silkikögur grænt er á henni að framan. Undir henni er hvítt ljereftsfóður, en ekki vaðmálið græna. Brúnin er 183 cm. að lengd að framan og breidd dúksins er 98 cm. auk kögurs. Afhentur þjóðminjasafninu í Höfn með nr. 10950-51, og eru þessir hlutir allir, ásamt nr.10953, úr Hóla-kirkju. -Hafa nr. 10951-52 skemmst mjög af meláti (í Höfn). - Í úttektinni frá 1657 er getið um að Hóla-kirkja eigi grænt altarisklæði og slitna, græna altarisbrún, og í úttektinni frá 1685 er sagt að þessi altarisbrún sje þá sett við þetta græna altarisklæði, en óvíst er, að þar sje átt við þennan dúk (og klæði) þar: í úttektinni frá 1698 er þess getið. að frú Guðríður Þórðardóttir (ekkja Jóns byskups Vigfússonar) hafi gefið kirkjunni grænt altarisklæði: í úttektinni frá 1746 er nefnt altarisklæði grænt, með sirsfóðri áfastri brún og silkikögri, og annað af grænu raski, ef til vill frú Guðríðar, en hið fyrra kynni að geta verið það, sem nú er hjer komið, og máske hið sama og getið var 1657 og 1685: í úttektinni mun átt við þennan dúk, þar sem talinn er altarisdúkur af grænu klæði með áfastri brún og ísaum, með silkikögri, sumstaðar defect, er hann talinn aftur á sama hátt 1779 og 1784, o. s. frv. (16047a). (Brúnin sett á nýjan dúk 1953. Hún var síðar fjarlægð af þeim dúk og nú eru þau aðskilin).

Aðrar upplýsingar

Efni
Safnnúmer
Safnnúmer A: 10952 Safnnúmer B: 1930-364
Stærð
183 x 98 cm Lengd: 183 Breidd: 98 cm
Staður
Staður: Hóladómkirkja, Hólar í Hjaltadal, 551-Sauðárkróki, Skagafjörður
Aðfangategund
Undirskrár
Undirskrá: Munasafn
Efnisorð / Heiti
Efnisorð: Altarisdúkur
Heimildir
Kristján Eldjárn. Um Hólakirkju. „Leiðsögn um kirkju og kirkjugripi“. Reykjavík, 1963. Kirkjur Íslands. 6. bindi. Ritstjórn: Jón Torfason, Þorsteinn Gunnarssson. Reykjavík, 2005.

Upprunastaður

65°44'0.1"N 19°6'50.8"W