Ábreiða, alm. og, óþ. notk.
1600 - 1700
Varðveitt hjá
Þjóðminjasafn Íslands
Ábreiða: á henni nær allri er krosssaumur, er svo er kallaður, og augvíslegir litir: aðalliturinn er gulur , en hinir eru rauðir, grænir, bláir og hvítir, og litaskiptingin mjög margbreytt. Meðfram jöðrunum alt umhverfis er breiður bekkur: á efra enda ábreiðunnar er bekknum skipt sundur í átthyrninga, á hliðunum í hringa og á neðra enda í tvöfalda, víxllagða ferhyrninga og eru í hverjum þeirra myndir af fuglum og spendýrum og margvíslegt annað flúr. Öllum miðhluta ábreiðunnar er skipt niður í 2 hringa bláa með rauðum rósum: í hvorum þessara hringa eru 2 mannsmyndir: í efra hringnum miðjum er myndaður stór maður í bláröndóttum kyrtli með rauða höfuðskýlu eða parruk og sokka og brugðið sverð í hægri hendi og er brandurinn grænn, en hjöltin rauð: til vinstri handar honum situr unglingur á stól eða stalla í grænum kyrtli og að öðru leyti líkt búinn og fórnar upp höndum: sýnist sem svo hinn fullorðni maður haldi í höfuðskýlu hans: þar fyrir ofan er myndaður fugl, hvítur að lit í grænum feldi, það er auðsætt, hvað þessar myndir eiga að tákna, en til hægðarauka, þeim er skoða, hefir kona sú, er saumað hefir ábreiðuna, látið letur fylgja: til hægri handar myndunum stendur með bandaletri ABRAHAM og þar undir mynd af hrúti, en til vinstri handar ISACAK ( sem mun vera misletrað fyrir Isaack = Ísak). Í neðra hringnum er myndaður maður standandi, í grænröndóttum kyrtli og að öðru leyti í sama búningi sem Abraham, með staf eða sprota í hendi og stóran skúf upp af, en til vinstri handar honum situr maður í hásæti í bláröndóttum kyrtli og grænum sokkum, með kórónu á höfði og sverð í hendi og reitt um hægri öxl: til hægri handar þessum myndum stendur með bandaletri MOISES og fyrir ofan, til vinstri handar og undir myndunum ARAONIS. Þetta síðasta orð á eflaust að vera „ Faraonir“ , þótt uphafsstafinn vanti og hefir það líklega orðið svo af vangá. Fyrir utan þessa hringa hefjast aðrir, með sömu gerð, en þá tekur bekkurinn við. Öll bil milli þessara hringa eru fylt tíglum og rósum. Ábreiða þessi er farin að slitna og sumstaðar með götum, enda mun hún vera mjög gömul, líklega frá 17 öld. Hún er frá Bæ í Strandasýslu og þar í sveitinni hefir hún verið svo lengi sem menn muna eða þykjast geta rakið aldur hennar. Hún var bætt með 8 bótum, sem voru pjötlur úr öðrum útsaumuðum ábreiðum: þær hafa nú verið teknar undan og tölusettar 3804 B.I-III, C.I.II og D. I-III, en D III sent til Bernh. sálin til athugunar 1915. II.VI.1915. Kom aptur 1923. (Endurbætt af ungfrú Soffíu Pálmadóttur (frá Norðf) 1935-36.
Aðrar upplýsingar
Gefandi: Sigríður Guðmundsdóttir Eggerz
Ártal
1600 - 1700
Safnnúmer
Safnnúmer A: 3804-c2
Safnnúmer B: 1893-14-4
Staður
Staður: Bær 1, 500-Stað, Húnaþing vestra
Aðfangategund
Undirskrár
Undirskrá: Munasafn
Efnisorð / Heiti
Efnisorð: Ábreiða, alm. og, óþ. notk.
Upprunastaður
65°17'22.0"N 21°11'51.8"W