Til baka í leit
Veistu meira?

Færarokkur

1900 - 1950
Varðveitt hjá
Þjóðminjasafn Íslands
Færarokkur úr tré, gömul gerð. Eiginlega tveir rokkar, hvor á móti öðrum. Annar með þremur álmum, hinn með einni, og spinnast þannig saman þrír þættir. Sá síðarnefndi er á hjólum. Á báðum er farg. Rokkar af þessu tagi voru hafðir til að snúa færi og þó einkum niðurstöður.    (Ath. Færarokkurinn er frá fyrstu vélbátaútgerð við Skagafjörð, Bæjarútgerðinni, sem Jón Konráðsson í Bæ og þrír bændur aðrir stóðu að rétt eftir aldamótin síðustu. Snúið var með rokknum á grundinni niðri við sjóinn. Áður höfðu reyndar Jóhann Eyfirðingur og Þorsteinn bróðir hans gert út vélbát eitt sumar frá Selnesi. - Eftir Birni Jónssyni í Bæ 18/10 1971.)    Sent af Birni Jónssyni, Bæ á Höfðaströnd.

Aðrar upplýsingar

Ártal
1900 - 1950
Efni
Safnnúmer
Safnnúmer A: 14832 Safnnúmer B: 1951-73
Staður
Staður: Bær, 566-Hofsós, Skagafjörður
Sýningartexti
Færarokkur, til að snúa með þættina í fiskifæri, var undið upp þættina hvern um sig í þrískipta rokknum en færið síðan undið upp á hinn rokkinn. Þrír menn unnu að spunanum, einn var við hvorn enda og sneri en sá þriðji hélt á músinni á færinu til að fá snúninginn jafnan. Frá fyrstu vélbátaútgerð við Skagafjörð, Bæjarútgerðinni, sem Jón Konráðsson í Bæ á Höfðaströnd og þrír bændur aðrir stóðu að skömmu eftir aldamótin 1900. 14832 Færarokkur, til að snúa með þætti í fiskifæri. Frá einni fyrstu vélbátaútgerð norðanlands í upphafi 20. aldar. 14832 Spjaldtexti: Færarokkur Færarokkur til að snúa saman þrjá þræði í handfæri. Snúið var upp á hvern þráð fyrir sig í öðrum hluta rokksins en færið síðan undið upp á hinn. Tveir menn sneru sveif hvor við sinn rokkhelming. Frá Bæ á Höfðaströnd þar sem vélbátaútgerð var stunduð rétt eftir aldamótin 1900. Fishing Line Spinner Mechanism for twisting together fishing lines from three fibres for use as a handline. Each fibre was twisted separately, and then the three were twisted together. Two men turned the handles, one at each end. From Bær in Höfðaströnd where fishing with motor boats was practised just after the turn of the century, 1900.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Færarokkur
Heimildir
Lúðvík Kristjánsson.. Íslenzkir sjávarhættir III. Reykjavík 1983, bls. 410-145.

Upprunastaður

65°55'52.1"N 19°26'17.5"W