Peysa

1940 - 1950

Varðveitt hjá

Karlmannspeysa, prjónuð úr hvítri og mórauðri ull. Hún er hvít í grunninn með þykkum V-laga kraga og á honum tvær mórauðar rendur hvorum megin. Stroffin eru að mestu mórauð en með hvítum röndum. Um bolinn allan hringinn er leturbekkur. Hann er mórauður í grunninn en munstrið er þrjár hvítar höfðaleturslínur sem hver nær allan hringinn. Peysan er hönnuð og prjónuð af Laufeyju Vilhjálmsdóttur (f. 1879, d. 1960) kennara. Hún var eiginkona Guðmundar Finnbogasonar Landsbókavarðar. Peysuna gerði hún fyrir son sinn, Finnboga Guðmundsson (prófessor og Landsbókavörð). Laufey var áhrifamanneskja um ullarvinnslu og nýtingu ullarinnar. Peysan er væntanlega hönnuð og unnin á 5. áratug 20. aldar. Laufey hannaði fleiri slíkar peysur (sjá bók Æsu Sigurjónsdóttur, Til gagns og til fegurðar, Rvk. 2008, bls. 160-161). Áletrunin á peysunni er eftirfarandi: /TAP/OG/FJÖR/OG/FR /ISKIR/MENN/FINNAS THIER/A/LANDI/ENN/ Þ.e. „Táp og fjör og frískir menn“, upphafslínur kvæðisins Táp og fjör eftir Grím Thomsen. Í Ljósmyndasafni Íslands er að finna mynd eftir Sigríði Zoëga (SZ 26654) af pilti í líkri peysu, einnig hannaðri af Laufeyju. Á þeirri peysu er sama áletrun. Gefandi er Helga Laufey Finnbogadóttir, Tjarnargötu 41 í Reykjavík en hún er dóttir Finnboga er átti peysuna, og sonardóttir Laufeyjar er hannaði hana og prjónaði.

Aðrar upplýsingar

Laufey Vilhjálmsdóttir, Hlutinn gerði
Gefandi: Helga Laufey Finnbogadóttir
Finnbogi Guðmundsson, Notandi

Ártal

1940 - 1950

Efni

Lífræn efni, Dýraríki, Hár, Ull

Safnnúmer

Safnnúmer B: 2009-3-3

Stærð

67 x 0 x 0 cm Lengd: 67 Breidd: 0 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Peysa