Baukur, f. tóbak, t.d. vindla

Varðveitt hjá

Baukur úr nýsilfri, bolurinn með algengu tóbaksdósarlagi, sporöskjulagaður, hliðarnar úr flötum plötum, sem kveiktar eru á kúptan hring eða umgjörð. Hringur þessi er silfurkveiktur, en annars er baukurinn tinkveiktur allur. Neðan á hann er kveikt stétt og skrúfaður á hana tappi: renndur. Stuttur stútur er á hinum endanum sömuleiðis renndur og tappi með kúlulaga haus og kengur upp úr. Í honum er festi og hinn endinn festur í keng öðrum megin á bauknum. Á aðra röndina er grafið: Áskell B.S. með laglegu handbragði. L. með stétt og tappa 11,5 cm, br. 5,5 cm, þ. 2 cm. - Ókunnugt er hver smíðað hefur baukinn, en ég (H.B.) fékk hann hjá Halldóri Jónassyni frá Hrauntúni nú fornbókasala í Reykjavík. Lét ég fyrir hann litla rostungstönn, lagaða í bauk undir silfur. Baukinn kvaðst Halldór hafa fengið með þeim hætti, að til hans kom í búðina maður, er hann ekki þekkti: var sá ölvaður nokkuð og bað, að sér væri lánaðar 5 kr. og bauð baukinn að veði. Síðan eru liðin tvö ár, og hefur maðurinn ekki komið að vitja hans enn þá, er ég fékk hann hjá Halldóri 1939.

Aðrar upplýsingar

Gefandi: Hjörtur Björnsson
Halldór Jónasson, Notandi

Efni

Ólífræn efni, Málmur, Nýsilfur

Safnnúmer

Safnnúmer A: 13000 Safnnúmer B: 1942-54

Stærð

11.5 x 0 x 0 cm Lengd: 11.5 Breidd: 0 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Baukur, f. tóbak, t.d. vindla

Heimildir

Iðnsaga Íslands I. Reykjavík 1943, bls. 393. Þór Magnússon. "Baukasafn Hjartar Björnssonar." Gersemar og þarfaþing. Reykjavík 1994, bls. 170-171.