Trafakefli
1600 - 1700
Varðveitt hjá
Þjóðminjasafn Íslands
Trafakefli, yfikeflið, smíðað úr birki, 68,7 cm. að lengd 7,5-8,6 cm. að breidd og 7,2 cm. að hæð, alt útskorið: að aptan er útskorið handfang, l. 11,8 cm., og fram úr fremri enda er útskorin ormstrjóna. fyrir innan þau eru hálfsívalir kaflar, 5,7 cm. að lengd, og fyrir innnan þá er eptir miðju keflinu 3 cm. hár kambur með gagnskornu verki og neðanvið hann skáfletir út til hliðarflatanna, á þá fleti fjóra er skorinn með höfðaletri þessi vísuhelmingur dróttkvæður: hliote / ne / hrund / aa / 1) g // iæta / hvitust / þaa / glede / nita b // ot / aa / þui / mest / er / mote / mætust / folld / linna / stræta. Virðist kunna að vera frá 17. öld. 1) Svo.
Freyja Hlíðkvist Ómarsdóttir Sesseljudóttir, 2025:
Yfirkefli
Ekkert ártal.
Uppruni óþekktur.
Höfðaletursáletranir á hliðum og á bríkum að ofanverðu er dróttkvæð vísa:
hliote / nu / hrund / aa / g
iæta / huitust / þaa / glede / nitab
ot / aa / þui / mest / er / m
ote / mætust / folld / linna / stræta
Þ.e.:
Hljóti nú hrund ágæta
hvítust þá gleði nýta
bót á því mest er móti
mætust fold linna stræta.
Linni er, held ég örugglega, kenning fyrir orm og "linna stræti" getur þá verið jörðin eða jafnvel gull, því ormar lágu á gulli,
og "fold linna stræta" er þá kvenkenning.
Merkingin er þá sennilega:
Megi hin bjarta og ágæta kona og mætust kvenna hljóta gleði og bót á öllu mótlæti.
Lengd 69,7 cm; Breidd 8,8 cm; Hæð 8,7 cm.
Viðartegund: birki.
Aðrar upplýsingar
Gefandi: Halldór Jónsson
Ártal
1600 - 1700
Efni
Safnnúmer
Safnnúmer A: 1597
Safnnúmer B: 1877-415
Stærð
68.7 x 8.6 x 7.2 cm
Lengd: 68.7 Breidd: 8.6 Hæð: 7.2 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Trafakefli