Til baka í leit
Veistu meira?

Kistill, + hlutv.

1800 - 1850
Varðveitt hjá
Þjóðminjasafn Íslands
Hliðar, lok og gaflar skorin með sams konar hringamunstri og geometrísku munstri. Áletrun engin né ártal. Kistillinn er trénelgdur, lokið laust af hjörum, handraða vantar, upphafleg skrá er týnd, nýleg látúnsskrá nú. Hefur verið lakkborinn.     Í skriflegri greinargerð, sem dagsett er 10/12 1996, sem fylgdi kistilinum stendur þetta:    Eg undirrituð afhendi safninu útskorinn kassa. Þennan kassa átti langamma mín Ingibjörg Einarsdóttir, frá Krossi í Ljósavatnsskarði í Fnjóskadal. Hún var kona Ólgeirs Árnasonar langafa míns sem talinn var launsonur Þórðar Björnssonar, sýslumanns í Garði í Aðaldal. Þau hjónin giftust 15. maí 1823, í Ljósavatnskirkju. Hún var fædd í Lundi í Fnjókadal, 12. janúar 1801. Foreldrar hennar voru Einar Árnason og Hildur Grímsdóttir. Þau bjuggu á Steinskirkju. Ingibjörg Einarsdóttir dó, 88 ára 20 okt. 1888. Amma mín Anna Ásmundsóttir systir Einars Ásmundssonar alþingismanns í Nesi í Höfðahverfi átti þennan kassa. Hún gaf móður minni, Ingibjörgu Friðgeirsdóttur þennan gamla kjörgrip. Hún gaf mér kassann og bað mig að varðveita hann vel. Þess vegna læt ég hann í Þjóðminjasafnið þar sem hann verður varðveittur vel. Það þarf að láta aðrar lamir á kassalokið, en þar sem ekki voru notaðir blýnaglar við kassann þá hefi ég ekki hreyft við að gera við hann. Hann hefir trénagla - engir aðrir naglar hafa verið til á bænum. Kristján Eldjárn sá kassann. Hann taldi að hann gæti verið 200 ára gamall. Tæplega er hann þó frá því fyrir 1800 segir Þór Magnússon.

Aðrar upplýsingar

Ártal
1800 - 1850
Efni
Safnnúmer
Safnnúmer B: 1996-281
Stærð
19 x 19 x 15 cm Lengd: 19 Breidd: 19 Hæð: 15 cm
Aðfangategund
Undirskrár
Undirskrá: Munasafn
Efnisorð / Heiti