Söðulreiði

1750 - 1800

Varðveitt hjá

Söðulreiði, úr ósútuðu leðri, látúnsbúinn, tvöfaldur, 2 sprotar aptur og aðrir 2 fram, og er látúnssvipt grafin á hverjum enda og koparhringja í: á miðju er grafinn reiðaskjöldur, 6,8 cm. að þverm., og sprotar, með látúnslaufum á, útfrá honum, alt með gröfnu balðaskrauti á, en í milli svipta og skjaldar eru naglar með stórum látúnshausum, 2 stærri og 6 minni á hverjum sprota. L. 47 cm., br. hvers sprota um 3,5 cm. Útfrá fremri sviptunum aptasst hanga niður náraslettur, um 30 cm. að l. og um 3 að br., klafar neðst í 2 sprota, sem eru með látúnsdoppum yzt og 4 látúnsnöglum hvor, en þar fyrir ofan er grafin látúnsþynna á slettunum og enn 4 látúnsnaglar uppfrá henni í röð í hvorri náraslettunni. Rjett fyrir aptan fremri sviptirnar og sömuleiðis rjett fyrir framan aptari sviptirnar ganga út lendarólar, sem mætast yzt og mynda þannig fafnhliða þríhyrning við miðhluta reiðans, hver hlið um 23 cm. Á horninu yzt er grafin látúnsþynna og 6 látúnsnaglar eru á hverri ól. Reiðinn er með ósútuðu leðri undir, tvöfaldur, og er allur stagaður saman við jaðra, en jafnframt negldur saman allur með þessum mörgu látúnsnöglum og mörgum fleiri smánöglum í sviptunum og látúnsþynnunum. Hann mun vera frá síðari hluta 18. aldar og hefur verið fremur vandaður enda óskemdur enn, að heita má.

Aðrar upplýsingar

Gefandi: Jóhannes Sigfússon

Ártal

1750 - 1800

Efni

Lífræn efni, Dýraríki, Skinn, Leður
Ólífræn efni, Málmur, Látún

Safnnúmer

Safnnúmer A: 2567 Safnnúmer B: 1884-85

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Söðulreiði