Til baka í leit
Veistu meira?

Skurðmynd, + mótíf

1300 - 1400
Varðveitt hjá
Þjóðminjasafn Íslands
Mynd af jómfrú Maríu, skorin í tönn. María situr á stóli, og heldur á barninu í vinstri hendi. Hún virðist að hafa kórónu á höfði og slegið hár. Stóllinn skýtur sér út að ofan og neðan, og er með bandi yfirum miðju. Utan um myndina er tálguð umgjörð, eins og port með súlum til beggja hliða, sléttum með höfðum, og eru sýnd fjögur vígskörð á súluhöfðunum. Þar upp af er býzanskur bogi, með laufum upp úr, og þar upp af stöpull með þremur vígskörðum og bust upp af, með gati þvert í gegnum fyrir band, því að menn hafa líklega bundið myndina við sig. Á baka til, allt í kríngum myndina, er þelaður grunnur, og er skipt í tóma smáa ferhyrninga með fjögrablaða rós innan í hverjum. Líkir stólar sjást víða myndaðir á handritum frá 14. öld, og boginn er með líkum oddum upp úr í handriti af Egilssögu, frá hérumbil 1300. Klæðafellíngarnar benda og á hið sama á nr. 81. Þessi gripur fannst í Laugarbrekku kirkjugarði á dögum Ásgríms Vigfússonar, prests í Hellnaþíngum, og hann gaf hann Sigurði Breiðfjörð, en hann aptur Árna Thorlacius.

Aðrar upplýsingar

Ártal
1300 - 1400
Efni
Safnnúmer
Safnnúmer A: 420 Safnnúmer B: 1867-62
Stærð
10 x 5.3 x 0 cm Lengd: 10 Breidd: 5.3 Hæð: 0 cm
Staður
Staður: Laugarbrekka, 355-Ólafsvík, Snæfellsbær
Sýningartexti
Mynd af Maríu mey, skorin í hvaltönn eða rostungstönn. Hefur verið borin í bandi um hálsinn sem verndargripur. Fannst í Laugarbrekkukirkjugarði á Snæfellsnesi, mun frá 14. öld. 420 Mynd af Maríu mey skorin í hvaltönn eða rostungstönn, hefur verið borin í bandi um hálsinn sem verndargripur. Kom upp úr kirkjugarði vestanlands, mun frá 14. öld. Spjaldtexti: Tveir verndargripir, útskornir í tönn á 14. öld. Myndin, sem sýnir Maríu mey, fannst í Laugarbrekkukirkjugarði á Snæfellsnesi og hefur verið lögð í gröf með eiganda sínum. Two 14th century talismans carved from teeth of marine mammals, one of the Virgin Mary.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skurðmynd, + mótíf
Myndefni: Maríumynd

Upprunastaður

64°44'58.3"N 23°39'10.9"W