Norðurljósið ÍS 537

1939

Varðveitt hjá

Norðurljósið ÍS 537, smíðað í Bolungavík 1939 af Sigmundi Falssyni, lengd 7.20 m, breidd 2.10 m, 3.05 brl. Norðurljósið er súðbyrtur trébátur með þilfari, kappa og niðurfelldu mastri. Þór Magnússon fyrrv. þjóðminjavörður segir þetta um Norðurljós á minnisblaði frá 24. 9. 1984: "Vb. NORÐURLJÓS ÍS 537 3,05 smál. Smíðaður í Bolungarvík 1939, af Sigmundi Falssyni. Súðbyrðingur með þilfari, kappa, niðurfelldu mastri og Skandia-vél, 7-10 ha. Keyptur 1979 af Bernódusi Finnbogasyni, Laugarnestanga. Hann fékk bátinn nýjan og gerði út fyrir vestan, en eftir að hann flutti suður og hafði bátinn með sér, mun hann aðeins hafa róið honum eitt sumar. Stóð alla tíð, til 1983 er hann var settur inn í Beykisbúð, inni á Laugarnestanga. Báturinn er orðinn allmikið fúinn, en heldur lagi sínu vel. Eftirlitsbók fylgir bátnum. Geymdur í Beykisbúð frá Vopnafirði. 24/9 1984." Á öðru minnisblaði, framhaldi af hinu fyrra, segir Þór: "Norðurljósið, ÍS 537, 3,05 smál. ´Seglskip með hjálparvél´, skv. eftirlitsbók, sem fylgdi bátnum. Súðbyrðingur, dekkaður með Skandía - glóðarhausvél. Smíðaður af Sigmundi Falssyni í Bolungarvík 1939, einkennisstafir ÍS 537. Safnið keypti bátinn 1979 af Bernódusi Finnbogasyni, Laugarnestanga í Reykjavík, hann fékk hann nýjan og gerði út þar fyrir vestan, en eftir að hann flutti suður og flutti bátinn með sér, mun hann aðeins einu sinni, eitt sumar, hafa róið honum. Síðan stóð hann alla tíð við hús eigandans inni á Laugarnestanga. Myndir eru til af honum þar í Þjms. Af þeirri gerð, sem algeng var þar vestra á þessum tíma. Vélin er sú upphaflega, 7-10 hestafla Skandía glóðarhausvél. Báturinn stóð inni á Laugarnestanga til 1983, en var þá settur inn í stærra húsið frá Vopnafirði. Hann er talsvert farinn að fúna, enda ekki málaður mörg undanfarin ár, en hann heldur vel sínu lagi og gerð allri. Eftirlitsbókin fylgir."

Aðrar upplýsingar

Sigmundur Falsson, Hlutinn gerði
Bernódus Finnbogason, Notandi

Titill

Sérheiti: Norðurljósið ÍS 537

Ártal

1939

Efni

Lífræn efni, Viður

Safnnúmer

Safnnúmer B: 1979-501

Stærð

720 x 210 cm Lengd: 720 Breidd: 210 cm

Aðfangategund

Munir

Undirskrár

Undirskrá: Bátaskrá Undirskrá: Munasafn

Efnisorð / Heiti

Efnisorð: Fiskibátur

Heimildir

Þór Magnússon. Bátar og sjóminjar í eigu Þjóðminjasafns. (Minnisblöð Þórs Magnússonar í dökkri möppu af stærðinni A5). Jón Björnsson, 1999. Íslensk skip, bátar 2, bls. 115. Reykjavík.