Kista, + hlutv.
1830 - 1880
Varðveitt hjá
Þjóðminjasafn Íslands
Kista með kúptu loki sem smíðuð
er af Þorsteini Daníelssyni á Skipalóni (f. 1796, d. 1882). Kistan var
í eigu móður gefanda, Huldu Pétursdóttur, og þar áður móður hennar, Jóhönnu
Benónýsdóttur. Þær voru af Skagaströnd. Jóhanna tjáði gefanda (Ólafi Bertelssyni)
að kistan væri smíðuð af Þorsteini, enda er hún óvenju vönduð, með barokstrikum
á loki og þríhyrndum smáhólfum með loki (sem höfðu visst nafn) í hornum
öðrum megin í kistunni innanverðri, svo og handraða og skúffu undir handraðanum
í hinum enda kistunnar. Kistan stendur á fjórum fótum. Hún hefur verið
brúnmáluð að utan en síðar máluð græn. Eitthvað leysiefni hefur verið borið
á kistuna og málning skafin af. Kistan er hvítmáluð að innanverðu. Á henni
eru stórar járnlamir. Í samskeyti og sprungur hefur verið fyllt með einhverju
uppfylliefni eða kítti sem hefur harðnað. Þór Magnússon, fyrrum þjóðminjavörður,
sótti kistuna til Ólafs og kom henni til safnsins.
Aðrar upplýsingar
Ártal
1830 - 1880
Efni
Safnnúmer
Safnnúmer B: 2009-41
Stærð
83.5 x 44 x 55.8 cm
Lengd: 83.5 Breidd: 44 Hæð: 55.8 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kista, + hlutv.